الوسم: سعاد حسني

أثارت المخرجة المعروفة إيناس الدغيدي جدلًا بتصريحاتها حول الراحلة سعاد حسني، عندما ظهرت ضيفة في

برنامج “القرار”، الذي على قناة “الغد”، حيث تحدثت عن سعاد حسني بتصريحات أحدثت ضجة على مواقع

التواصل الإجتماعي، وتصدر اسم سعاد حسني “التريند”.
عندما سؤلت إيناس الدغيدي عن سعاد، هل انتحرت أم تم قتلها، صرحت إيناس:”انتحرت،

أنا أعرف سعاد كويس جدًا، وأنا ضد مقولة تقتل لأنها لا يمكن حد يقدر يقتلها لأن هي

كانت شخصية جميلة من جوه، وتبقي متغاظة منها وهتتجنني لأنها تأخرت وتيجي كأنها معملتش حاجة،

من كتر الضغط في الفن كانت بتاخد مهدئات من وهي عندها 44 سنة، ومتذكرة كويس أوي فيلم

حب في الزنزانة أنا كنت مساعد مخرج فيه وكانت سعاد على طول بتاخد مهدئات عشان مش عاوزة تسمع

اللي بيحصل ولا المشاكل، وحتى لما بيكون في كارثة بينها وبين مخرج تدخل تاخد حباية، وبقولها لكل الناس

المهدئات دي في الاخر بتوديكي للانتحار”،  كما تابعت إيناس متحدثة عن سبب انتحار سعاد:”انتحرت لأن

العمر ده كله كانت بتاخد مهدئات، وهي نجمة كبيرة وليها جمهورها، لما شافت نفسها مابقتش

نجمة وشكلها اتغير والمرض عمل فيها كده عشان كده انتحرت، لكن قصة قتلها أنا ضدها على

طول الخط، واحنا كنا دايمًا بنقول في اتنين هينتحروا في السينما سعاد حسني وأحمد زكي ليه لأن هما فنانين

أوي ومابيخططوش لأي حاجة في الدنيا ومزاجيين جدًا، وأحمد زكي الوقت مأسعفوش ومرض ومات، لكن

النبوءة تحققت فيها”.

تصدر اسم الفنانة الراحلة سعاد حسني “التريند”، حيث انتشرت أقاويل بزواجها من المطرب الراحل

عبد الحليم حافظ، ولكن أثارت تصريحات الفنانة المصرية نجوى فؤاد بشأن هذا الموضوع جدلًا على مواقع التواصل

خلال الساعات الماضية، بعد ظهورها في أحد البرامج التليفزيونية، لتتحدث عن علاقتها بالعندليب، وحقيقة

زواجه بسعاد حسني، كما تحدثت عن بعض طقوسها الدينية، وإمكانية ارتداءها للحجاب.
ظهرت الفنانة المصرية نجوى فؤاد في لقاء تليفزيوني مع الإعلامي نزار الفارس بقناة “دجلة”، وتحدثت عن

علاقتها بالعندليب الراحل عبد الحليم حافظ:”رقصي مع العندليب عبد الحليم حافظ في أغنية “قولوله الحقيقة”

كانت بوابة النجاح رغم إني كنت كومبارس، عمري وقتها كان 16 سنة، وتم عمل مستخرج رسمي بإن عمري

أكبر من 16 حتى أستطيع الدخول؛ لأنه مينفعش أدخل مكان فيه خمور وأنا طفلة”، واستكملت

حديثها:”عبد الحليم حافظ كان شخص جميل وأخلاقه جميلة وإنسان متواضع، وكل يوم عند أصحابه بيقعد على

الأرض ويمسك الدف ويغني”.

حقيقة زواج العندليب وسعاد حسني

أكدت نجوى فؤاد عدم زواجه من سعاد حسني، حيث صرحت:”حبيت عبد الحليم كإنسان

وفنان وعجبني أسلوبه مش كحبيب لأنه كان بيحب سعاد حسني أيامها وهي

كانت صديقتي، عبد الحليم حافظ متجوزش سعاد واللي يقول إنه اتجوزها غلطان، وأختها اللي قالت

إنه اتجوزها غلطانة، هو كان بيحبها بس متجوزهاش لأن صحته متسمحلوش إنه يتجوز بدون تفسير لأن مينفعش

أطلع سر إنساني زي ده، واللي بيقول إنه اتجوز سعاد يطلعوا ورقة الزواج يمكن إحنا غلطانين”،

كما أوضحت أنها ذهبت معه عدة مرات للطبيب لمتابعة حالته الصحية.

 تحدثت نجوى فؤاد عن طقوسها الدينية، حيث أكدت أنها تقرأ القرآن الكريم يوم الخميس من

كل أسبوع:”كل يوم خميس لازم أقرأ القرآن، إلا لو كنت عيانة ودا حصل في أيام قليلة، لازم ساعة

أو ساعتين قرآن، أحط الطرحة وأبدأ أصلي ركعتين لله وأقعد أقرأ القرآن، لو كان عندي إيه يستنوني”، وعندما

أهداها المذيع طرحة سوداء، ارتدتها وقالت:”الحجاب يعنيلي حاجات كتير جدًا، ده حاجة مقدسة جدًا أنا يوم

ما ألبسه على طول لازم أعتزل، ودي أحلى هدية”.

قال الفنان حسن يوسف إن فيلم “للرجال فقط” ليه حكاية غريبة معايا، أنا مش بحب أتغرب كتير عن بيتي، ولما أتعرض عليا الفيلم وعرفت إننا هنقعد 15 يوم ويمكن أكتر فى رأس غارب حاولت أعتذر، لكن صديقي جمال الليثى وسعاد حسني ونادية لطفي أقنعوني، جاء ذلك خلال مداخلة هاتفية لبرنامج فن مشكل تقديم ليلى بدران على شعبي اف ام.

الفنان حسن يوسف

وأضاف قبلت الفيلم وأنا متضرر، لكن خرجت من الفيلم بأسعد أيام حياتي فى الوسط الفني، لأننا كنا فى الـ 15 يوم عيلة

واحدة، وامتدت المدة لـ 21 يوم، وخصوصا إن المخرج محمود ذو الفقار ومدير التصوير على خير الله من أظرف الناس في الوسط الفنى.

نادية لطفي وسعاد حسني بقوا أصدقاء جدا

وتابع كنا حاملين هم نادية لطفي وسعاد حسني يتخانقوا مع بعض لأن المنافسة بينهم كانت شديدة، لكن بقوا أصدقاء جدا

وخيبوا ظننا، وكنا بننام فى هنجر من الألمونيوم مش فى فندق، وكنا بنفطر ونتغدى ونتعشى مع بعض وطول اليوم فى التصوير

مع بعض، والجديد علينا كان الفنان إيهاب نافع، كان لسه بادئ فى التمثيل، ومش أصدقاء أوي، عشان كده حاولت أكسر حتة الغربة فى روحه، وبقينا أصدقاء.

الفنانة نادية لطفي

وعلى فكرة الفنانة نادية لطفي مفيش إتنين يختلفوا على جمالها، وشخصيتها جميلة جدا وجدعة جدا، وبتاخد مواقف مفيش

راجل يقدر ياخدها، ودمها خفيف أوي في الشغل، وفضلنا أنا ونادية أصدقاء وبنتكلم لغاية قبل ما تدخل فى الغيبوبة بيومين،

وأجمل حاجة فيها إنها كانت فرفوشة وبتحب تطبخ أكلات غريبة.

نادية لطفي مش أجنبية مصرية ومولودة في اسكندرية

واختتم قائلا طلعوا عليها إشاعة إنها مش مصرية، لكن هى مصرية بنت بلد، مولودة فى ثروت باشا فى إسكندرية، وأنا بنتهز

الفرصة عشان أقول لإخواننا الأقباط كل سنة وأنتوا طيبين والوطن بيجمعنا، وكل سنة وأنتوا طيبين جميعا بمناسبة العام

الجديد.