إيناس الدغيدي: الدعارة مهنة وموجودة في العالم كله .. اشعلت المخرجة ايناس الدغيدي جدلاً واسعاً بتصريحاتها الاخيرة عن بيوت الدعارة .
إيناس الدغيدي: الدعارة مهنة وموجودة في العالم كله
وتحدث خلال استضافتها في برنامج “الفصول الأربعة” عن الجنة والنار، وقالت: “بيقولوا لنا في جنة ونار، أنا بقول ده تخويف بيرهبوك، لكن لا يمكن ربنا يكون قاسي كدة، لما تسمع النار هيعملوا فيك إيه وإيه”.
وأضافت: “أنا بقول إحنا جزء من الكون ده، وعلى فكرة إحنا كبشر مديين نفسنا أهمية كبيرة أوي”، معلقة على الامر بالقول: “سبحان الله مش قاعد لنا كل واحد بيعمل إيه، مش ممكن هو مش فاضي لنا، والموضوع أكبر من كده بكتير”.
وخلال اللقاء، أوضحت الدغيدي موقفها من فكرة ترخيص بيوت الدعارة وقالت: “بيوت الدعارة كانت موجودة في العالم كله وكانت موجودة في مصر قبل الثورة، وترخيصه ملهوش علاقة بالدين، أنا مقولتش لازم، أنا بقول فيها حماية للمجتمع واللي بيشتغل فيها، لما تضع قوانين وأسس لأي امر ينظم”.
وأضافت: “الدعارة مهنة موجودة في العالم كله من زمان أوي ولما بتحصرها وتحددها وتحط فيها قوانين والتزامات وعلاجات وصحة أنت بالعكس بتحميها بدل ما هي متسابه كده”.
وتابعت: “ترخيص بيوت الدعارة بيحد من انتشار مرض الإيدز وبيحد من العنف، لو واحدة بتشتغل كده لحسابها وحد قتلها مش هتعرف، لكن لو بتشتغل في مكان هيبقى معروف مين عمل كده، لكن دلوقتي عمارة تلاقي فيها بيت بيدار للدعارة دون اي مراقبة”.
وأضافت الدغيدي: “متحجروش علينا التفكير هو اللي يفكر يبقى كافر؟ اللي يناقش يبقى كافر، في علم وتطور وفي حاجات كتير أوي حصلت في الدنيا، لما بتشوف الحاجات اللي بتحصل بتحتار وتقول يارب اللي قولتهولنا كله مش صح”.
