الوسم: ماري لويس بشارة

كشفت ماري لويس بشارة رئيس مجلس إدارة شركة البشارة للأزياء والمنسوجات، عن تجربتها في التعلم من والدتها آمال بشارة، وكيف ساعدها ذلك على بناء مسيرتها المهنية في صناعة الأزياء. قالت ماري لويس: “أنا وأنا بولد “آن ماري” بنتي كان معاها كارتلة زراير جنب السرير وبتقول لي “اختاري الطلبية عشان إحنا متأخرين في الأوردر”، وأنا في المستشفى بولد!”.

ماري لويس بشارة

وأضافت في لقاء مع الإعلامية لميس الحديدي مقدمة برنامج “رحلة المليار”، عبر قناة “النهار”: “فإحنا بنشتغل مع بعض ليل نهار، واتعلمت منها… هي حافظت عليا أبقى Designer فقط لمدة حياتها، شالت من عليا عبء الصناعة”.

وأكدت ماري لويس أن والدتها كانت تدير الإنتاج في المصانع وتحقق المستحيل، مما منحها الحرية لتطوير مهاراتها في التصميم: “يوم ما قررنا نفتح محلات في ألمانيا، ده كان طبيبي'”بتاعها، مشروعها، وأنا كان دوري إني أتعلم يعني إيه أعمل تصميمات للشعب الألماني، لأن جسم الألمان والاحتياجات بتاعتهم غير الشعب المصري والفرنساوي وغير الناس اللي في السعودية“، مشيرةً، إلى أن هذه الخبرة منحتها فهمًا عميقًا لأسلوب العملاء وطرق الابتكار في التصميم.

ولفتت ماري لويس إلى أن والدتها كانت تحميها من الضغوط التشغيلية، ما أتاح لها التركيز على الإبداع: “كانت بتحافظ عليا إني أبدع في التصميم، وهي شايّلة الصناعة، أنا ما حسيت بيها غير بعد وفاتها”.

وتابعت أن إدارة مؤسسة صناعية كبيرة ليست سهلة، وقالت: “حمل إنك تديري مؤسسة صناعية كاملة بأعداد الناس اللي موجودة جواها وإنك تحاربي علشان تحققي التوازن ما بين النجاح وما بين التوسع والاستمرار، ده أنا بتعلمه لغاية النهاردة”.

واختتمت ماري لويس حديثها بالتعبير عن شعورها بفقدان والديها وتأثيره الكبير على حياتها: “غياب الوالد والوالدة كان حاجة كبيرة أوي في حياتي، زلزال بس رغم كل ده، التجربة علمتني القيادة الحقيقية وفهم الصناعة على أعلى مستوى”.

تحدثت ماري لويس بشارة رئيس مجلس إدارة شركة البشارة للأزياء والمنسوجات، عن قيمة القطن المصري والكتان في صناعة الملابس العالمية. وقالت ماري لويس: “3% من سكان العالم بيلبسوا قطن 100%، وأغلى أنواع الأقطان ما بيتباعش منها غير 3% في العالم اللي هو القطن الفاخر، زي القميص القطن الناعم جدًا والملاية الناعمة والجاكت الحلو اللي فيه قطن طويل التيلة.”.

 ماري لويس بشارة

وأضافت في لقاء مع الإعلامية لميس الحديدي مقدمة برنامج “رحلة المليار”، عبر قناة “النهار”: “العالم بيستهلك أكتر الأقطان الأقل جودة، لكن لسه لها العميل بتاعها، وما زالت مصر مشهورة بيها.”

وأكدت ماري لويس أن المصانع الأجنبية ما زالت تتوجه إلى مصر بحثًا عن القطن عالي الجودة، لكنها تشترط أسعارًا تنافس الأسعار العالمية: “البراندات الأجنبية بتجيلنا في مصانعنا تقول الله إحنا عايزين الفوال القطن اللي عندكم ده بس عايزينه بسعر كويس ينافس الأسعار العالمية”.

وأوضحت أن المحافظة على الجودة والبحث عن أفضل الأقطان هي جزء من فلسفة عمل الشركة لضمان منتجات راقية وفاخرة.

واختتمت ماري لويس حديثها بالتأكيد على أن العمل الجاد والمثابرة في اختيار الخامات هو ما يرفع مستوى الصناعة المصرية: “دايمًا نبص على الأحلى في العمل والجودة، ونختار الغزل الأفضل علشان ندي المنتج النهائي اللي يليق باسم مصر”.