الوسم: #فيفيعبده #رقصفيفيعبده #فيفيعبدهبدونمكياج #أولادفيفيعبده #فيفيعبدهياسمينعز #طفولةفيفيعبده

حلت الفنانة فيفي عبده، ضيفة في برنامج كتاب الشهرة، المذاع عبر شاشة قناة الجديد اللبنانية،

وكشفت خلال اللقاء العديد من الأسرار في حياتها الشخصية بجانب الحديث عن مشوارها الفني.

كما قالت الفنانة فيفي عبده: فريد الأطرش قالي الفنان بيفضل يترعش كده خايفين من لقاء الجمهور..

محدش ساندني في انطلاقتي… اول ثقة خدتها لنفسي من الفنانة نجوى فؤاد وسهير زكي ودول اللي كانوا على الساحة

وكانوا نجوم.. شهادة الخبرة أهم بكتير من شهادة المدرسة لأنكم بتاخدوا نفس الصف والحصة لكن الحياة بتوقعك في مطبات كتير.

فيفي عبده: أمي تربيتها قاسية وكانت تضربنا بالكرباج

كما اضافت فيفي عبده: أنا مبحبش المرايه خالص ومسلماها لربنا وربنا عارف إني مش هعرف العب فيا كتير وكل تجعيدة في وشي ليها ذكرى

وبيقولوا إني أحلويت أكتر… أمي تربيتها كانت قاسية جدًا وكانت تضربنا بالكرباج

ولو واحدة غلطت تضربنا إحنا الـ 5.. أبويا كان رياضي وصحته كويسة وأمي كانت بتربي كويس مرة لقيت أمي معلقة أختي في النجفة

ولقيت وشها فيه دم وقولت لأمي ازاي عملتي كده وكانت هتموت خلاص.

فيفي عبده: حبيت واحد هندي والمفروض كنا نتجوز

بينما استكملت فيفي: مقدرش أكون زوجة تانية أبدًا ولعبت دور في كيد النسا وشيبتها، والراجل مفيش حاجة تملى عنيه..

أنا مع الجواز العرفي مفيش مانع.. حبيت واحد هندي والمفروض كنا نتجوز ووالدي مات فمكنش ينفع أسيب أخواتي وأروح الهند..

كما روحت مع جوزي لـ كينيا حب يضحك عليّا فجابلي نمر وخضني، والنمر ده أكل صاحبه في نفس السنة، ولما نزلت مصر طلبت الطلاق.

فيفي عبده: بقول للستات اوعي يروح منك الراجل

بينما عبرت فيفي عبده عن رأيها في أزمة الفنانة شرين، قائلة: شيرين عبد الوهاب من حقها تعيش مع جوزها

بالطريقة اللي تريحها ومن الحب ما قتل، وحاولي تقفلي عليكي بيتك ومتخليش عندك أصدقاء يضروكي…

بقول للستات اوعي يروح منك الراجل خصوصًا لو لُقطة.. ولو خانك اعملي نفسك مش عارفة وخليكي جامدة واكسبي الحياة…

اللي حبيته أنا حملت منه ونزلته.. وكان هو لسه في أول حياته وأنا في أول حياتي ومكنش ينفع أخسر حياته ولا حياتي وكان غصب عني ومضطرة.

وجهت الفنانة فيفي عبده، رسالة للفنانة شيرين عبدالوهاب بعد الأزمات التي تعرضت لها خلال الفترة الماضية.

وقالت فيفي، في رسالتها لـ شيرين ببرنامج “كتاب الشهرة”: “من حقك تعيشي مع جوزك بالطريقة اللي تعجبك،

ولكن غلط إنهم يصوروها، ومن حقها تعيش براحتها مع جوزها واللي بيحب أحيانا بيخبط في أي حاجة، ومن الحب ما قتل”.

وتابعت: “الجمهور لازم يتعاطف معاها لأنها بني آدمه، ومن حقها تعيش مش تموت، ولا عشان الفنان شخصية عامة يموت”.

وأضافت: “شيرين طيبة وحبت ومن حقها تحب، وأنا بقولها من خبرتي حاولي تقفلي عليكي بيتك ومتحاوليش يكون عندك أصدقاء يضروكي،

وأنا بحب شيرين عبد الوهاب جدا، وبحب حسام وهما بيحبوا بعض ولكن فتحوا الموضوع زيادة على اللزوم لاستغلال الميديا”.

وتخوض فيفي عبده دراما رمضان 2023 بمسلسل “آخر الزمن”.

المسلسل بطولة أحمد عبد العزيز، كمال أبو رية، أحمد سلامة، محسن منصور، عزة مجاهد، وعدد من الفنانين.

حياة فيفي عبده الفنية