كشفت الفنانة انتصار، تفاصيل مشاركتها في تقديم برنامج نفسنة، على قناة القاهرة والناس، موضحةً: “طارق نور كلمني عليه، وقالي هنعملي تيست بأكثر من مذيعة، ونبدل، وأحلى حلقة هي اللي نختار الناس اللي فيها، شاركت شيماء سيف وإنجي علي وهيدي كرم”.

وأضافت انتصار، خلال حوارها مع الإعلامية بسمة وهبة مقدمة برنامج “العرافة”، على قناة “المحور”: “عملنا بروفات، وأحلى حاجة ظهرت، كنت أنا وهيدي وشيماء سيف، ولما كنا بنتكلم أنا وهيدي على شيماء سيف بسبب مشاكلها، ودخلت علينا الأوضة متكسفناش زي ما هي قالت، لأنها دايما بتخش الغرفة علينا، وإحنا بنخش الغرف على بعض”.

وتابعت: “كنا بنتكلم عليها في ضهرها، ما إحنا بنتكلم وصوتنا عالي وعارفين إنها هتعدي من قدام الطرقة، ومروحة دلوقتي، مكناش مهتمين ولا بنتكلم في حاجة غلط.. مكناش بنتكلم على شخصها ولا والدتها أو والدها، كنا بنتكلم على الشغل، لما نقولها حاجة مرة واتنين وتلاتة ومتسمعش الكلام يبقى لازم يكون في رد فعل”.

https://www.facebook.com/MehwartvChannel/videos/725914898775722