قال المطرب طارق فؤاد، إنّه لحن أغنية كان نفسنا التي شهد فيديو الكليب الخاص بها الظهور الأول للفنانة.
شيرين عبدالوهاب عندما كانت طفلة، متابعا: “قفلت السكة في وشي، حاجات حصلت زمان بس صالحتني”.
وأضاف فؤاد في حواره مع الإعلامية بسمة وهبة مقدمة برنامج «العرافة»، على قناتي المحور والنهار:
“أنا كنت عامل مساعد في الكليب، والأغنية من كلمات عماد صبحي وتوزيع عادل عايش،
والأغنية دي أخدت أحسن أغنية عربية”.
وتابع المطرب: “عملت امتحان في البيت عندنا وجات لي شيرين ومعاها 10 أطفال واخترتها واخترت الطفل الثاني أحمد فتحي
ولما دخلت الاستوديو سجلت أغنية كان نفسنا انبهر الموسيقيون بشيرين رغم أن عمرها كان 12 سنة وكان من بينهم
يحيي الموجي”.
وحول سبب تجاهله من شيرين، قال: “كانت نجمة كبيرة وفي عيد ميلادي حضر معايا صديقي الدكتور ماجد بهجت أكبر طبيب
أنف وأذن وحنجرة، وقالي أنا رايح لشيرين أسلم عليها، قلت له كلمني من هناك عشان أفتح الاسبيكر وأتباهى قدام اخواتي
لأنها كانت مكسرة الدنيا فقعدت أكلمه وأقوله ماجد هطفي الشمع، لكن مرة واحدة لقيتها بتزعق وتقفل التليفون في وشي،
كان موقف بايخ قدام اخواتي ومراتي وولادي وبنتي، اتكسفت شوية بس خلاص”.
العرافة | الثلاثاء 2 إبريل 2024 – “صحي من النوم ملقاش صوته” قصة مرض طارق فؤاد وانهياره على الهواء
طارق فؤاد عن الصلح مع شيرين: طيبة وبحب صوتها.. وقالت لي مش هعمل كده تاني
تحدث المطرب طارق فؤاد، عن كواليس الصلح مع الفنانة شيرين عبدالوهاب، بعدما “قفلت التليفون في وشه”، موضحًا:
“كنا في عيد ميلاد سمو الأميرة سماهر وحسن أبو السعود كان متخانق مع شيرين في نفس التوقيت برضه،
كانت عاملة مشكلة معاه”.
وأضاف فؤاد في حواره مع الإعلامية بسمة وهبة مقدمة برنامج «العرافة»، على قناتي المحور والنهار: “لقيت حد بيغميني
من عينيا من ورا وفضلت فترة، وبعد كده بلف لقيتها بتقولي حقك عليا ومش هعمل كده تاني”.
وتابع المطرب: “هي طيبة وبحب صوتها أوي ولما غنت عيون القلب في الحفلة الأخيرة كانت حاجة تفرح القلب”.
العرافة | الثلاثاء 2 إبريل 2024 – “صحي من النوم ملقاش صوته” قصة مرض طارق فؤاد وانهياره على الهواء
