علّقت الفنانة ميار الببلاوي، على تصريحها السابق “كنت جامدة في الجامعة ونص الشباب بيحبوني وتزوجت 4 مرات”،.
قائلة: “مكنتش عادية في الجامعة تماما، كنت دايما ملفتة للنظر”.
وأضافت الببلاوي في حوارها مع الإعلامية بسمة وهبة مقدمة برنامج «العرافة»، على قناتي المحور والنهار:
“أقصد بجامدة إني كنت الأولى على دفعتي، وكنت أتحب على كل حاجة، وكنت شغالة في الإعلانات وكنت
محط أنظار الناس كلها”.
وتابعت الفنانة: “بالنسبة لي الزواج حاجة شخصية، حتى لو اتجوزت 1000 مرة، فكلهم بالحلال، أنا اتجوزت زي ما ربنا
كتب لي، كنت بتطلق وبتجوز على سنة الله ورسوله، واتجوزت 4 مرات، وواحد منهم رجعت له تاني”.
العرافة | الإثنين 1 إبريل 2024 – اتطلقت من جوزها الحالي 11 مرة .. وانهيار ميار الببلاوي على الهواء
ميار الببلاوي: حبست زوجي الحالي.. وطلقني 11 مرة
قالت الفنانة ميار الببلاوي، إنّها لم تتزوج في السر أبدا، موضحةً: “زوجي الحالي لم أعلن عن هويته،
سبق وحجزني في بلده وأنا حبسته في مصر”.
وأضافت الببلاوي في حوارها مع الإعلامية بسمة وهبة مقدمة برنامج «العرافة»، على قناتي المحور والنهار:
“والدته لم تقل أنني سرقت ذهبها، وهو كان متغاظ إني خرجت من البلد من غير ما هو يعرف، أخدت ابني وسافرت”.
وتابعت الفنانة: “رفعت عليه قضية في مصر وحبسته كنا في عز الثورة، طلقني كتير واتجوزنا كتير، طلقني حوالي 11 مرة..
هو أول حب في حياتي وأول راجل في حياتي، مخلفناش من بعض، وكنت عاوزة أخلف فاتجوزت غيره ورجعت له تاني،
حصلت مشاكل واتطلقنا، ورغم مشاكلنا وقف جنبي لما ماما ماتت وساندني بكل اللي يقدر عليه بعد ما شيلت الرحم
وكان كريم معايا وابني”.
العرافة | الإثنين 1 إبريل 2024 – اتطلقت من جوزها الحالي 11 مرة .. وانهيار ميار الببلاوي على الهواء
