مجتمع قاسي ومتدين بطبعة.. سمية الخشاب تنعي “بسنت” ضحية الابتزاز في الغربية بكلمات حادة

نعت الفنانة سمية الخشاب، بسنت الفتاة صاحبة الـ16 سنة التى أنهت حياتها بأيديها.

وقالت في تغريدة لها عبر موقع التواصل الاجتماعي تويتر: “حبيبتي بسنت، ان شاء الله ربنا يغفرلك عشان الظلم اللي اتعرضتيله ويسامحك علي طريقتك في الهروب من قسوه المجتمع (المتدين بطبعه) اللي نسبه كبيره منه فيهم العبر بس بيحبوا يحاسبوا وينصبوا نفسهم آلهه، اما المجرمين فهتتجابوا وياريت تتعدموا ونخلص منكم ومن امثالكم”.

وأوضحت: :حبايبي البنات، ميهمكوش المجتمع ولا اي حد فالدنيا دي عشان محدش هيتحاسب بدالكم، سواء غلطانين او حتي مش غلطانين، اوعوا تسكتوا علي اي ابتزاز من اي شخص حقير لانه مش من حق اي حد يبتزكم او يمسك عليكم اي حاجه، اوعوا تخافوا حتي لو هتقفوا لوحدكم قدام الشريحه الجاهله من المجتمع”.

وتابعت: “القانون معاكم وبيحميكم الجئوا للقانون ومتخافوش حكومتكم هتحميكم وهتجيبلكم حقكم وطز فأي عاهات وتقاليد وبلاش خوف محدش هيتحاسب بالنيابه عنكم”