تصدر اسم الفنانة نشوى مصطفى تريند موقع التواصل الاجتماعى «إكس»، خلال الساعات القليلة الماضية،
عقب تصريحاتها عن أسعار البنزين وقطع الكهرباء، إذ وجهت رسالة تحفيزية للمصريين.
ونرصد لكم فى سطور أبرز تصريحات نشوى مصطفى التى تصدرت التريند على مدار الساعات الماضية
فى برنامجها على قناة «TEN».
نشوى مصطفى تطالب المصريين بالصبر
ووجهت نشوى مصطفى رسائلها للمصريين قائلة:
و البنزين زاد لما العدو منع عنك تصدير الطاقة علشان يكسرك كمصرى المفروض تقوله لأ.
إيه يعنى الكهرباء تقطع ساعتين تلاتة لأ اقطع 12 ساعة فى اليوم بس أنا فوق العدو مش هيكسرني.
حتى لو الكهربا قطعت 24 ساعة إيه المشكلة، المهم بس تبقى فى بيتك متأمن.
مش بنتعرض لهجوم أو بهدلة لبيتك وأهلك، فالحمد لله نستحمل إحنا صحاب البلد دى ويا رب يحميها ويحرسها.
مواصلة انقطاع التيار الكهربائي
علقت الفنانة نشوى مصطفى على مواصلة انقطاع التيار الكهربائي خلال برنامجها “بنت البلد”
الذي يذاع على قناة “Ten” على الرغم من انتهاء فصل الصيف، وطالبت الجميع بعدم الضيق
كما تحمل اللظروف الحالية طالما نعيش في أمان، مما أثار انتقاد البعض لها، وانقسمت الأراء بين مؤيد ومعارض.
وتواصل “مصراوي” مع الفنانة نشوى مصطفى والتي أكدت في تصريحاتها أن الأوضاع غير مستقرة
وعلى الجميع التكاتف في محاولة للخروج من الأوضاع الراهنة بسلام.
وعن الانتقاداتالتي طالت “نشوى” من قبل العديد من رواد مواقع التواصل الاجتماعي
قائلة: “مبردش خالص في أي حاجة وكل واحد حر يقول اللي هو عاوزه احنا في بلد حر كل اللي عاوز يقول حاجة يقولها”.
وعن استمرار تصاعد الأوضاع في غزة قالت: “ربنا يكون في عونهم وربنا يحميهم وربنا يساعدهم
ومفيش في إيدينا غير أننا نقول ربنا يرحم الشهداء وفي الجنة ونعيمها ويستقبلونا على باب الجنة”.
انفعلت الفنانة نشوى مصطفى خلال إحدى فقرات برنامجها “بنت البلد”
كما علقت على أسباب زيادة أسعار البنزين وانقطاع الكهرباء قائلة: “البنزين زاد لما العدو منع عنك تصدير الطاقة
علشان يذلك ويكسرك ويهينك كمصري، المفروض أنت تقوله مش عاوز، إيه يعني الكهرباء
تقطع ساعتين تلاتة في اليوم، لأ اقطع 12 ساعة في اليوم بس أنا قوف العدو مش هيكسرني ومش هيذلني”.
كما تابعت نشوى:”الناس اللي بتقول الكهرباء بتقطع ساعتين، إن شاء الله تقطع 24 ساعة
بس تكون في بيتك متأمن، مافيش عدو يدخل بيتك يغتصب بنتك أو مراتك، ولا أمك”.
بينما أكملت:”الحمد لله نستحمل مع بعض، احنا صحاب البلد دي، يارب احميها واحرسها”.
يذكر أن آخر مشاركات الفنانة نشوي مصطفي كانت بمسلسل الرسوم المتحركة “قصص الكهف” وعرض بشهر رمضان عام 2022.
