قالت الفنانة هند عبدالحليم البنات اللي بتحب الراجل التوكسيك دي معندهاش هوية
كشفت الفنانة هند عبدالحليم عن رأيها في الرجل السام التوكسيك فقالت : “أنا بحب الاحترام واللباقة والأصول، ومليش دعوة بالتوكسيك خالص..
ممكن نحبه في المسلسلات بس، لأن الراجل التوكسيك بيبقى نرجسي وبيبقى عنده حب الامتلاك ،
وبيبقى بيحب نفسه أوي أوي وبيبقى عايز الحاجة بالطريقة اللي هو عايزها،
والبنات اللي بتحب الراجل التوكسيك دي معندهاش هوية”.
حقيقة إعتزال هند عبدالحليم الفن
ويشار أيضاً أن الفنانة هند عبدالحليم عبرت عن استيائها من مروجي شائعات إعتزالها الفن فنفت هذه الأقاويل وذلك عبر حسابها علي موقع فيسبوك
فكتبت : “للتوضيح بس عشان في ناس فاكرة اني اتجوزت و مبقتش بشتغل و مش فاضية ..
يا جماعة يالي فاهمين كده ارجوكوا بلاش قرارات و حاجات على لساني انا ما قلتهاش ولا قررتها”.
بلاش نقف في أرزاق الناس
بينما أضافت الفنانة “أنا اه اتجوزت بس بشتغل عادي جدا و عايزه اشتغل و مفيش حاجة تمنعني عن ده و ان شاء الله في مسلسل نازل الأسبوع الجاي صورته،
من كام شهر في لبنان و انا متجوزة عادي جدا بلاش نقف في ارزاق الناس حرام،.. شكراً”.
آخر أعمال هند عبدالحليم
يذكر أن آخر أعمال الفنانة هند عبدالحليم هو مشاركتها بحكاية “تقلها دهب”، ضمن مسلسل إلا أنا،
بينما سردت قصص 3 من بطلات الرياضة المصرية، وهن فريال أشرف التي توجت بالميدالية الذهبية في رياضة الكاراتيه،
وهدايا ملاك التي حققت البرونزية في رياضة التايكوندو، وسمر حمزة بطلة مصر في المصارعة، خلال أولمبياد طوكيو 2020،
بينما قدمت هند عبد الحليم دور فريال أشرف بطلة الكاراتيه.
نبذة عن هند عبدالحليم
هند عبد الحليم ممثلة ومغنية مصرية، ولدت في الإمارات العربية المتحدة في عام 1993،
شاركت في العديد من المسلسلات التلفزيونية، وشاركت من قبل مع عروض نقابة المهن التمثيلية بالتعاون مع شبكة تليفزيون النهار .
