كشفت الفنانة حورية فرغلي تطورات وضعها الصحي، بعد العمليات الأخيرة التي خضعت لها بأنفها.
وقالت حورية فرغلي : خلاص ما بقاش عندي عضم في القفص الصدري علشان أحطه في مناخيري،
والحمد لله إني بقيت أشم وأتذوق، ولسه فاضل لي عملية واحدة في شيكاغو،
لكن أنا راضية حاليًا بشكلي، ووصلت لحالة من الصفاء، واللي عاجبه عاجبه واللي مش عاجبه يغير المحطة.
وعن سبب عدم مشاركتها في الكثير من الأعمال قالت: مش بيتعرض عليا أعمال كتير زي الأول،
لأن أنا مشكلتي إني ماليش علاقات في الوسط، وهمَّا كلهم في علاقات وتجمعات وماحدش بيعزمني في أفراح،
ومش بحب أروح المهرجانات إلا لو عندي فيلم أو رايحة أتفرج على حاجة، وكنت أتمنى طبعًا أحضر مهرجان القاهرة السينمائي لكن ما جتليش دعوة.
حورية فرغلي: أتمنى أعيش قصة حب
كما تحدثت حورية فرغلي عن الحب في حياتها قائلة: أنا ماتجوزتش وماخلفتش ونفسي أعيش قصة حب،
لكن محدش بيتقدم لي، وأنا أهم حاجة عندي الإنسان من جوه، وعمري ما فكرت في شكله،
بينما الأهم يكون قلبه كويس ويراعي ربنا فيا ومايخوّنيش، ومش عارفة لسه موجود الصفات دي ولا لأ لكني سايباها على ربنا.
حورية فرغلي: أنا أكتر حد شعر بميرفت أمين بعد التنمر عليها
وعبرت الفنانة عن غضبها بعد التنمر الذي تعرضت له الفنانة ميرفت أمين بعد انتشار صورة لها بملامح تبدو كبيرة في السن،
قائلة: أكتر حد شعر بيها، وأحب أقول للناس إن الشكل أو السن عامة هما الحاجة الوحيدة اللي ما نقدرش نهرب منها،
لكن البني آدم من جوه بيفضل زي ما هو، لو نقي بيفضل وجماله الداخلي بيظهر على وشه،
وهي مرت بظروف وحشة وقاسية وصحابها الأنتيم ماتوا وبقت لوحدها، وكفاية حالتها النفسية.
