قالت الفنانة حورية فرغلي إنها تعاني من عيب خلقي وراثي منذ ولادتها يمنعها من الإنجاب بعد سن الأربعين، وهو صغر حجم الرحم بسبب أورام ليفية.
وأضافت حورية، خلال حوارها مع الإعلامية لميس الحديدي ببرنامج «كلمة أخيرة»،
أن الطبيب المعالج نصحها بضرورة وسرعة الزواج والإنجاب في السن ما بين 30 و40 عامًا،
وفي أعقاب ذلك يتم إزالة الرحم، لكنها الآن بلغت 44 عامًا ولم تستطع الإقدام على خطوة إزالة الرحم.
وأشارت إلى أنها حاولت اللجوء إلى التبني في الفترات السابقة، قائلة: «اتبنيت ولد صغير وكان مبيسمعش ولا يشوف،
وحاولت أتبناه لكنهم رفضوا عشان أنا مش متجوزة، حبيتوا عشان أول ما دخلت الملجأ جري عليا،
رغم إنه مش بيسمع وحضني، لكن للأسف رغم إني كفلته فقط لأن ما ينفعش أصطحبه للمنزل بسبب عدم زواجي وقتها لكنه مات بعد فترة».
وتابعت: «كانت فيه واحدة شغالة عندي وحامل من شاب سنغالي وهرب وتركها بعدما نمى لعلمه حملها،
وقررت معها الاحتفاظ بالطفل ورعايته، وحدث بالفعل وتعلق بي الطفل بشدة، لكن أمه شعرت بالغيرة من تعلق نجلها بي فأخذته وهربت».
واستطردت حورية: «بصدق في السحر والأعمال.. وبعد مسلسل ساحرة الجنوب اتلعنت ولقيت ناس عاملينلي سحر ولكن مش عارفاهم مين».
واستكملت: أنا ماعنديش عيلة ولا زوج ولا أولاد أنشغل بيهم، ولا أنا كملت اللي نفسي فيه في التمثيل
ولا اللي نفسي فيه في الدنيا، أنا في النص مش عارفة أكمل اللي عاوزاه في التمثيل ولا عارفة أعيش حياتي،
وأتمنى من ربنا إنه يقول لي هيحصل إيه.. هل هكمل في التمثيل وهقدم كل الأدوار اللي بتمناها
ولا هقابل شريك حياتي اللي مش هيهمه مناخيري بايظة ولا لأ، ولا هيهمه أنا حلوة ولا وحشة.
