الوسم: ميجا اف ام

قالت الإعلامية القديرة سناء منصور أنا بحب كلمة الراديو أكتر من كلمة الإذاعة، وأى حاجة ليها علاقة بالراديو أنا مستعدة أعملها

ومستعدة ما أنامش عشان خاطرها، عشان كده مع إنى مش دايما بصحى بدري، لكن صحيت بدري مخصوص عشانكم،

لأن الراديو حبي الأول والأخير، جاء ذلك خلال مداخلة هاتفية لبرنامج خلاص صحينا مع مارينا المصري على ميجا اف ام.

إذاعة الشرق الأوسط

وأضافت فيه جملة اتقالت لى وأنا اعتبرتها وسام على صدري، لما كنت لسه فى بداياتي فى إذاعة الشرق الأوسط،

وفى يوم كان عندنا اجتماع مع الأستاذ طاهر أبو زيد، ولقيت بابا شارو أو الأستاذ العظيم محمد محمود شعبان داخل علينا الاجتماع،

وكنت بحبه جدا لإنى كنت بسمع الحواديت بتاعته وأنا طفلة، ولقيته بيسأل ويقول فين سناء منصور؟! وخوفت أوى

وحسيت إنى صغرت في مكاني وإنه هيقولي إنتِ مين أو إزاى تجرؤي تقدمي برامج أطفال لإنى كنت بقدم برامج أطفال فى الإذاعة

وقتها، فلقيته بيقول لى “يا بنتى ربنا يحميكي وأنتِ الامتداد الطبيعي لبابا شارو فى برامج الأطفال”.

مهرجان الإذاعة والتليفزيون

وعلقت بابا شارو كان جاى يحضر مهرجان الإذاعة والتليفزيونش فى مونت كارلو.. ولما اتصل بيا طلبت منه يحضر معايا وأنا بقدم

، وفعلا وقف فى الكنترول روم، وأنا طلعت بالبرنامج وكنت بعطش الجيم، فلقيته إدانى ضهره، فسألت نفسي إيه اللى عملته غلط

عشان بابا شارو يتضايق منى، فقالى هتلمى هدومك وهتنزلى معايا مصر، بتتكلمى بالجيم المعطشة ليه؟!،

مونت كارلو

يعني أنا وافقت إنك تشتغلى فى مونت كارلو عشان تعطشي الجيم؟! اتكلمى بالهوية المصرية بتاعتك،

هى مش مصر بتتكلم بالجيم وفيه جزء كبير من اليمن بيتكلم بالجيم، أوعى تنتحلى شخصية شعب آخر وتتكلمى بالجيم متطعشة،

فدخلت وأنا فرحانة وبقيت بتكلم بالجيم، وبعد ما سبت راديو مونت كارلو بعد 10 سنين، كل المذيعين المصريين

بقوا يتكلموا بالجيم المصرية حفاظا على الهوية، وبابا شارو خلانى أرسيت مبدأ إننا نتكلم بالهوية بتاعتنا،

وبحب أسمع عبد الحليم حافظ وتحديدا أغنية الهوى هوايا.

وبالمناسبة أى شخص بيشتغل فى الراديو لازم يبقى حاسس إنه قطر ماشي على القضبان، بيشتغل على نفسه

فى كل محطة، لحد لما يوصل للهدف بتاعه، ما بتعرفش لغات اتعلم لغات، واتقن اللغة العربية، وثقف نفسك بالكتب والقراءة.

الهدف الرئيسي

واختتمت قائلا الهدف الرئيسي من تقديم برامج للمرأة هي إنها وزير المالية فى العائلة وهي المربي الأول فى العائلة،

وهي المقوم الأول، اللي بيودي دروس وتمارين وهي عماد البيت.

اللينك:

قال الفنان حسام داغر انه بيصور حاليا مسلسل اللعبة الجزء التالت و هيبدأ عرضه يوم ٢٠ فبراير وكواليس التصوير ممتعة جدا وكل جزء أقوى من الجزء السابق، وانه قام بتأليف كتاب اسمه “استديو الممثلين” وأخد منه ٣ سنين في تحضيره، جاء ذلك خلال مداخلة هاتفية لبرنامج بحب السيما الذي يذاع علي ميجا اف ام والبرنامج من تقديم شريف نور الدين .

و أضاف كتابي “استديو الممثلين” يعطي من يريد التمثيل نصائح جيدة دون الحاجة إلى السفر لدراسة التمثيل بالخارج، و ظهرت فى فيلم “معالى ماما” كضيف شرف والممثلة بشرى هى من طلبتنى للمشاركة بالعمل معها.

ووصف افيهات اعماله انها تلقائية ولا يقوم بتحضيرها، وعلاقته بمحمد هنيدى قوية جدا وبيعطي للمثل مساحة كبيرة للتلقائية فى التمثيل ولي الشرف فى التمثيل معه.

وانه حاليا بيحضر مسلسل اسمه “دكتور داغر” وأقدم شخصية دكتور بيطري عنده قدرة على الحديث مع الحيوانات وبعتمد فيه على قصص حقيقية! واخيرا قال انه ظهر في مسلسل “السيدة زينب” بشخصية ذوي احتياجات خاصة وأول مرة ألعب دور زى ده وأخذت جائزة أحسن ممثل.

قال عصام عبد الفتاح عضو لجنة التحكيم في الاتحاد الافريقي ورئيس لجنة الحكام المصرية ان إدارة مباريات منتخبات شمال إفريقيا هي الأصعب وأي حكم لا يتمني إدارتها، وتعيين حكم عربي كان سيثير الأقاويل حول مباراة مصر والمغرب لكن تعيين حكم إفريقي كان الإختيار الأفضل، جاء ذلك خلال مداخلة هاتفية لبرنامج في الملعب وانت سايق الذي يذاع علي ميجا اف ام و البرنامج من تقديم ابراهيم فايق .

وأضاف : ماجيتي نداي حكم مباراة مصر والمغرب أخطأ في تعديه على لاعب منتخب المغرب وليس من حقه لمس اللاعب.

وتابع :ماجيتي نداي مرشح للتواجد في كأس العالم لذلك تم إسناد مباراة مصر والمغرب له من أجل إدارتها بشكل جيد.

واختتم قائلا: من الصعب أن يكون هناك إنحياز في التحكيم خاصة وأن العالم سيتابع مباراة مصر والكاميرون بإعتبارها البلد المنظم وسيتم الإعلان عن طاقم تحكيم المباراة القادمة مساء اليوم أو غدا، و أتمني أن يكون مصطفي غربال حكم  المباراة لكنه سيسافر للمشاركة في كأس العالم للأندية”.