الوسم: منى فاروق

خطيب مني فاروق لاعب الكرة.. تصدر مقطع فيديو للفنانة منى فاروق، خلال الساعات الماضية محركات البحث على مواقع التواصل الاجتماعي، بعدما هاجمت لاعب كرة قدم شهير، واتهمته بالإساءة إليها، وترويج شائعات بارتباطهما.

خطيب مني فاروق لاعب الكرة

وخرجت منى فاروق في بث مباشر على صفحتها الشخصية على إحدى منصات التواصل الاجتماعي،

لتهاجم لاعب كرة قدم لم تذكر اسمه، إذ وصفته بأنه “ما يعرفش ربنا”،

بعد انتشار فضيحة له مؤخرًا، أشارت إلى أنها كانت زواجًا سريًا، ظهر بعد تسريب مكالمات للزوجة السرية،

وخلال التحقيق معها، علمت منى أن الفتاة قالت نصًا في التحقيقات “ده كان مرافق منى”.

وتابعت: “بغض النظر إنها متعرفش عني حاجة، علشان هي ولية وأنا مش هتكلم عن الولايا، عشان أنا ضد إني أتكلم على ولية، فأكيد هو المريض النفسي هو اللي اتكلم عليا، وأكيد هو اللي فهمها إن أنا اللي بجري وراه وبحبه، مش مدياله بلوك ومدياله بالجذمة”.

وأشارت منى فاروق إلا أن اللاعب المعني بالكلام متزوج، وسبق وأن طلب منها أن تكون معه في علاقة غير رسمية، لتعلق: “لما هو اتجوز وجه قال نتصاحب، اديته بالجذمة”.

طلب زواج من لاعب شهير

وأضافت أن اللاعب كان مهووسًا بها ويلاحقها، حتى أنه تبعها للساحل الشمالي، وكان يتقرب من والدتها لتقبل طلب زواجه منها.

وتابعت فاروق: “أنا مكنتش شايفاه، علشان عيل صغير وأصغر مني، ومش عاجبني، وقلت له إحنا مش هنرمرم ومش هاخد عيل صغير، فراح بقى صاحب واحدة ياعيني ومقعدها في أوضة، مش عارفة اتجوزها ولا إيه، الله أعلم، والبت بقى وهي بيتحقق معاها بقى، ولا في المكالمة اللي اتسربت لها قالت ده كان مصاحب منى، وحتى منى معجبتهوش، وكانوا مع بعض في رمضان، واستغفر الله العظيم يارب، أهو ده بقى رمي محصنات وجهر بالمعصية”.

جهر بالمعصية وقذف محصنات

وقالت “ده اللي اسمه فسق وفجور، لعيب الكورة ده ما يتحاسبش ليه، أنا رفضته لفارق السن بيننا، ولكن بسبب إصراره المستمر وافقت على إقامة فترة خطوبة، ولكن لم يستمر الأمر طويلًا لأني اكشتفت عيوبًا خطيرة في شخصيته”.

وأضافت قائلة: “اكتشفت إنه بتاع نسوان، وقليل الأدب، وبيشرب حاجات مش ولا بد، وساعتها سبته”.

وأشارت إلى أن هناك فئة من الناس تتهمها بأنها كانت على علاقة غير رسمية معه، لتنفي قائلة: “ما برافقش حد، أنا لما برتبط بحد برتبط بيه قدام الناس كلها، وبما إن اللي وصله المعلومة قال كدا فهو شافنا مع بعض، بمعنى إن احنا مرتبطين، لأن أكيد مش هنظهر قدام الناس وإحنا متصاحبين، اتقوا الله”.

وختمت حديثها بقولها: “حسبي الله ونعم الوكيل فيه علشان بيتكلم عليا، وأنا لو شفته في حتة هدي له بالجزمة على وشه لو شفته صدفة”.