ظهر حسن شاكوش، في بث مباشر على “فيسبوك”، من داخل منزله مساء الثلاثاء،
بعد انتشار أخبار بالقبض عليه بسبب التعدي على زوجته ريم طارق، أثناء تنفيذ قرار جهات التحقيق
بتمكينها من مسكنها بمدينة السادس من أكتوبر، قائلًا: “اللايف ده من البيت عندي،
أمي وأخواتي عندي النهاردة، ولما بيكونوا معايا في البيت، بحس إن أنا في عيد”.
كما حرص حسن شاكوش، على طمأنة جمهوره، حيث استعان بجملة من إحدى أغانيه الشهيرة،
قائلًا: “إحنا جامدين ومفيش إلا إحنا”، حيث إنه يواصل عمله بشكلٍ طبيعي وإحياء الحفلات الصيفية،
حيث إنه يحيي حفلاً مساء اليوم في إحدى المراكب النيلية بالقاهرة.
وناشد الصحفيين بضرورة تحري الدقة في نشر الأخبار، والتواصل مع المصادر الموثقة التي على صلة
بأطراف القضية نفسها، “لما تكتب خبر ياريت يكون من مصدر موثوق جدًا، أنا الحمد لله لا تربيتي
ولا إمكانياتي تقول إني أبهدل بنات الناس معايا، أو أجرحهم بأي كلمة وحشة،
لأن أي بنت عمومًا ممكن تتوجع من نظرة وحشة”.
تصريحات نارية من حسن شاكوش
وظهر حسن شاكوش من داخل منزله، وقال: مش هطول عليكم من قلب البيت عندي، وأنا عندي في البيت أهو موجود وأهلي وأمي وإخواتي منورني مشرفني، مش بيجوا لي كتير ولما بيجوا بالنسبة لي بيكون يوم عيد، وحبيت بس أطمنكم إن مفيش أي حاجة وإحنا لسه جامدين ومفيش إلا إحنا، وعلشان عندي حفلة بليل مستني كل حبايبي اللي جايين لي في المعادي.
وأضاف: الحمد لله الواحد ولا بيئته ولا تربيته ولا إمكانياته أنه يبهدل بنات الناس أو يجرحهم بأي كلمة وحشة لأنكم عارفين الست والبنت لو بصيت لها بصة وحشة توجعها ولا تربيتي
كما أضاف حسن شاكوش، “أنا تربيت على ضرورة احترام بنات الناس، عمري في حياتي لا ضايقت ولا زعلت حد
ولا عملت مشكلة مع حد.. لو فيه حد طلع قال إني عملت مشكلة مع بنت أو اتعاملت مع بنت معاملة وحشة،
كما يبقى ده بيسوء سمعتي أمام جمهوري”، متابعًا “ربنا شايف كل حاجة.. وربنا ينتقم من الظالم في ميدان عام”.
وكشف خلال البث المباشر، عن وجود أغانٍ جديدة، سيطرحها في موسم الصيف 2023،
لتكون البداية مع أغنية “دي حلوة” التي تجمعه بـ عمر كمال، ومن المُقرر طرحها خلال الأيام القليلة المُقبلة.
