حلت النجمة التونسية عائشة بن أحمد ضيفة في برنامج “معكم منى الشاذلي“
، وتحدثت خلال الحلقة عن شخصيتها في مسلسل “بدون سابق إنذار“،
قائلة: “الشخصية متناقضة ومشاعرها مكتومة، ومش عارفة تعبر وعندها مشاكل علطول وحاسة إنها مش محبوبة كفاية
وإن ملهاش اهتمام كفاية، وده نتيجة إن لا في أب ولا أم في الطفولة،
بسبب حرمان منهم، وطول الوقت متعطشة لأى كلمة حلوة، بالإضافة إلى مرض ابنها”.
وعن تحضيراتها للعمل قالت عائشة بن أحمد: “روحت مستشفى لسرطان الأطفال وقعدت فيها طول اليوم
عشان أفهم أهل المريض بيتعاملوا مع ابنهم إزاى، وإن الجانب النفسي مهم إزاى ليهم،
وشوفتهم من أول ما روحت لغاية لما مشيت وهما بيضحكوا، وعرفت أن مش كل حاجة بتتقال والآلام اللى جوانا ومش المفروض أن الطفل يشوفها،
ولازم يشوف الشكل المبتسم المتفائل”.
ومسلسل “بدون سابق إنذار” من بطولة النجم آسر ياسين وعائشة بن احمد و نهال عنبر وأحمد خالد صالح
و جهاد حسام وعمر الشناوي والمسلسل من إخراج هاني خليفة ، قصة ومعالجة درامية ألمى كفارنة
فيما كتب الحلقات والسيناريو والحوار كل من عمار صبري وسمر طاهر وكريم الدليل ،
و ظهور خاص للفنانة بسمة وهو من إنتاج محمد مشيش – بلوبي برودكشنز.
