الوسم: محمد موسى

سخر الإعلامي محمد موسى من تصريحات الفنانة سمية الخشاب، عقب نشرها فيديو لوصلة رقص لها عبر حسابها بموقع التواصل الاجتماعي تويتر، وهي ترقص بشكل هستيري، وكتبت: “بليز لما تتخنقوا اعملوا كده”.

وعلق محمد موسى خلال تقديم برنامج “خط أحمر” على قناة الحدث اليوم، “يعني حضرتك شايفة إننا نحل مشاكلنا بالرقص.. طب دي حتي تبقي عيبه أننا نتحول لرقاصين” .

تابع، “وفري نصايحك لنفسك أرجوكي وكفاية تسطيح للمجتمع وللناس.. مش معقول يعني كل اتنين يختلفوا يقوموا يتحزموا ويرقصوا هو إنتي عايزة تحولي الناس لرقاصين بجد عايز أقولك كفاية .. حرام البلد مش ناقصة نصايح بترقص الناس عايزه اللي يعلمهم الفضيلة مش يعلمهم الانحلال”.

فتح الإعلامي محمد موسى، النار على الناقد الفني طارق الشناوي، عقب تصريحاته الأخيرة بشأن عدة قضايا فنية وملفات مطروحة، قائلا: “آرائك محتاجة دراسة وتوازن شوية”.

وقال الإعلامي محمد موسى خلال تقديم برنامج “خط أحمر” على قناة الحدث اليوم، “أنا نفسي مش فاهم أنت عايز إيه، وقضيتك خسرانة”، مضيفا إن آراء طارق الشناوي هي إدانة واضحة له، فمثلا تحدث عن أن نقابة الموسيقيين “هشة” لأنها لم تقف أمام مؤدي المهرجانات، وحينما أوقفتهم النقابة هاجمها بدعوى أن النقابة منعت الغناء.

وأضاف محمد موسى أن قرارات وكلام النقاد الفنيين يجب أن يكون موزون ودقيق فهم ليسوا كتّاب عاديين، وآرائهم يجب أن تكون موزونة.

حرام عليك.. محمد موسى لـ طارق الشناوي: بتهاجم “الموسيقيين” لمصلحة مين؟

شن الإعلامي محمد موسى، هجوما حادا على الناقد الفني طارق الشناوي، بسبب انتقاده للفنان هاني شاكر بعد قرارات نقابة الموسيقيين بتغيير أسماء مؤدي المهرجانات.

وقال محمد موسى خلال تقديم برنامج “خط أحمر” على قناة الحدث اليوم،” طارق الشناوي مبيعجبوش العجب ولا الصيام في رجب واعتاد الهجوم على كل قرارات النقابة سواء بإيقاف 19 مؤدي أو اعتماد 3 بعد اجتيازهم الاختبارات وهم أحمد موزة ومصطفى عنبة وحمو الطيخا.. يا راجل حرام عليك بجد كل شوية تهاجم هاني شاكر أنت عايز إيه.. وحاولنا نستضيفه لكن طلب فلوس منقدرش ندفعها”. 

تابع الإعلامي محمد موسى، “بدل ما تطلع توجه الشكر لنقابة الموسيقيين وإن في خطة للاتقاء بمنظومة الغناء في مصر طالع تهاجم لمصلحة مين.. النقد الفني يجب أن يكون بناء مش أي كلام وخلاص”.

علق الإعلامي محمد موسى على هجوم  مؤدي المهرجانات حمو بيكا، على عمر كمال، في بث مباشر له عبر حسابه على موقع التواصل الاجتماعي”.

وأضاف محمد موسى خلال تقديم برنامج “خط أحمر” على قناة الحدث اليوم، رسالة حمو بيكا واضحه عايز يقول إن عمر كمال قل بأصله معاه تخيلوا الوصف ده لما ييجي من بيكا لعمر كمال علي طول تفهم أن الناس دي ملهومش خير نهائي في بعضهم”.

وقال حمو بيكا:  “إنه اتصل بعمر كمال فوق الـ7 مرات ومردش عليه، وبيقول أن عمر كمال بيشوف نفسه على الناس وأنا مش الناس، لأني كنت أول واحد يا عمر عملتلك أغنية والناس سمعتها يعني ربنا ثم أنا”

وأضاف: “وعايز أقولك وريني هتنجح بنفسك ازاي ومتخليش حد ينجحك وعايز أشوف مهاراتك، واشوف شغلك، وعايزك لما تقابلني في حته السلام بتاع ربنا متقولهوش، عشان كل الناس عارفة أنت أيه، وكل الناس برا أو جوا المجال عارفين أنت أيه”.

وتابع حمو بيكا: “يا خسارة العيش والملح اللي اكلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني.. يا صاحب مزيف”.

علق الإعلامي محمد موسى على واقعة تعرض الفنانة سمية الخشاب للتحرش عبر مواقع السوشيال ميديا، قائلا: ” خاف ياعم من سمية لأنها هتعلم عليك”.

وأشاد الإعلامي محمد موسى خلال تقديم برنامج “خط أحمر” على قناة الحدث اليوم، بالطريقة التي واجهت بها سمية الخشاب التحرش.. شفتم بقا السوشيال ميديا بتعمل أيه في مجتمعنا باختصار في الواقع دي حصل تشهير بفنانة والفنانة أعلنت تهديدها عبر السوشيال ميديا .. عشان كده مش هنبطل كلام عن السوشيال ميديا وخطرها علي مجتمعنا .

قالت سمية الخشاب، إنها لن تتهاون في حقها ووجهت عدة رسائل للمتحرشين على مواقع السوشيال ميديا بعد نشره صورة لها مصحوبة بتعليق غير لائق.

وردت سمية الخشاب على المتحرش، عبر حسابها الشخصي بموقع التواصل الاجتماعي، قائلة: “لو أنا ماشية في الشارع وفكرت تقربلي هعلمك إزاي تبقى راجل يا دكر”.

وأضافت سمية، “أي متحرش هيفكر يمس شعرة من بنت أو يجرح شعورها يفكر مليون مرة عشان خلاص السكوت ده كان زمان، مش هيتساب وهيتحاسب وهيتفضح، أي بنت تتعرض لأي نوع من التحرش تطلع تتكلم وكلنا هنقف فضهرها”.

علق الإعلامي محمد موسى، على واقعة اتهام الإعلامية فجر السعيد بقضاء ليلة حمراء مع إعلامي عراقي، عبر تدوينة  لأحد رواد مواقع التواصل الاجتماعي زعم بأنه لديه “وثيقة مسربة” وقع عليها عدد من أعضاء مجلس الأمة الكويتي، مطالبين فيها بالتحقيق بمقطع فيديو يوثق قضاء الإعلامية الكويتية فجر السعيد “ليلة حمراء” مع الإعلامي العراقي فراس الحمداني.

حقيقة اتهام فجر السعيد بـ”قضاء ليلة حمراء مع إعلامي عراقي”.

وقال محمد موسى خلال تقديم برنامج “خط أحمر” على قناة الحدث اليوم، ” اللي بنبه له دايما خطر السوشيال ميديا واستخدامها لابتزاز الناس وترويعهم .. صحة الموضوع أو عدم صحته مش أنا ولا غيري اللي هيتكلم فيها لكن أكيد هيكون فيها حقائق كتير هتتضح الفترة اللي جاية”.

وأعادت الإعلامية فجر السعيد نشر ما كتبه هذا الشخص، وعلقت عليه بغضب، وكتبت في صفحتها الرسمية بموقع للتواصل الاجتماعي:”يا خمه يا زباله ياللي أكيد أعراضكم مباحه استغفرالله العظيم جان فيكم خير وفيهم رجال مو شي ثاني طلعوا الوثيقه وانا انشرها لكم … بس اللي يسوي عالشي اكيد مو رجال قولاً واحدا”.