تصدر الفنان ياسر جلال محركات البحث على مواقع التواصل الاجتماعي بعد إعلانه عن تبرعه بـ3 ملايين جنيه
من أجل صندوق “تحيا مصر”، ودعا الفنانين إلى التبرع من أجل مصر.
ومن جانبها، كشفت الفنانة راندا البحيري عن تقديرها للفنان ياسر جلال بعد تبرعة لصندوق “تحيا مصر” بمبلغ 3 ملايين جنيه.
وكتبت عبر صفحتها الشخصية على موقع الفيسبوك منشورًا نصه :«كل الشكر للنجم المحترم الخلوق ياسر جلال
اللي وفق جنب بلدة في وقت البلد كلها محتاجه إنها تتكاتف وبإذن الله تكون قدوة ل فنانين كتير وأنا أولهم
ونعمل واجبنا ونحط اللي نقدر عليه في الصندوق …أنا كمان هعمل كده شكرًا ياسر جلال.. طول عمرك مخلص ووطني ومحترم وإبن أصول».
وكان الفنان ياسر جلال أعلن عن تبرعه بمبلغ ثلاثة ملايين جنيه لصالح صندوق تحيا مصر،
حيث تعد هذه هي المرة الأولى التي يقوم فيها ياسر جلال، بالإعلان عن التبرع.
وقال ياسر جلال في بيان له: «المرة دي بعلن عن الجهة والمبلغ اللي اتبرعت بيه لأني بتمنى إن كلنا نشترك
ونعمل اللي نقدر عليه وبدعي زملائي النجوم إنهم يتبرعوا باللي يقدروا عليه، أنا عارف أن في منهم عمل الموضوع قبل كدة بس لو عملوا ده تاني يبقي شيء عظيم».
وأضاف: «يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي،
أنا راجل لا غاوي شهرة ولا نجومية أنا بشتغل وبخلص شغلي وبروح أقعد مع مراتي وأولادي
وبعمل ده لأن كلنا شايفين إن البلد بتمر بأزمة كبيرة والعالم كله بيمر بأزمة كبيرة،
وإن شاء الله الأزمة تعدي لما كلنا نقف جنب بعض»، وحرص على إنهاء حديثه بالدعاء لمصر.
فنانون رفعوا شعار “الفن من أجل مصر”
كانت الفنانة راندا البحيري من أوائل الفنانين الذي استجابوا لدعوة ياسر جلال بالتبرع لصندوق تحيا مصر، وأعلنت عن تبرعها أيضا من أجل مساندة مصر.
ولم يكن ياسر جلال أول المتبرعين من أجل مصر، فقد سبقه الكثيرون داخل الوسط الفني على مدار السنوات الماضية.
