تحدثت مريم ابنة المهندس أحمد صبور رئيس مجلس الإدارة لشركة الأهلي صبور للتطوير العقاري، عن معرفتها بتاريخ عائلتها وقصص الجد حسين صبور، مؤسس إرث عائلي كبير في مجال الهندسة والتطوير العقاري.
مريم صبور
وأكدت في لقاء مع الإعلامية لميس الحديدي مقدمة برنامج “رحلة المليار”، عبر قناة “النهار”: “مش كل حاجة كنت عارفاها، حاجات وحاجات بصراحة. كنت عارفة التاريخ كله والحاجات اللي معظم الناس عارفينها، لكن مثلاً قصة جدتي اللي وقفت معاه، وموضوع إنها كانت بتبيع حاجات من غير ما تقول له، دي أول مرة أسمعها.. وممكن أكلمها وأقول لها دلوقتي، لأنها تستحق تعرف إني فهمت القصة”.
وتحدثت مريم عن مسارها الأكاديمي وكيف اختلفت عن باقي الأحفاد: “أنا نمرة 3 في الترتيب فوقي ولدين، واخترت هندسة معماري، واتخرجت من لندن. وأنا الوحيدة من كل الأحفاد اللي دخلت حاجة ليها علاقة بالهندسة في الواقع، مؤكدة، أن باقي الأحفاد اتجهوا لمجالات الأعمال والاستثمارات: “كلهم دخلوا بيزنس وحاجات كده، أنا كنت مختلفة شوية”.
وعبرت مريم عن شعورها بالفخر بالجد والإرث العائلي: “أنا دايمًا حسيت بالمسؤولية الكبيرة اللي جت من ورا أسرتي، وكل قصة عن والدي وجدنا بتعلمني دروس في الصبر والمثابرة. تعرفي على تفاصيل حياتهم الشخصية خلتني أقرب لهم أكتر وأفهم قيمة التضحية والعمل الجاد”.