ظهرت الإعلامية أسما شريف منير خلال فعاليات حفل مهرجان القاهرة للدراما، وخطفت الأنظار إليها بإطلالتها الجريئة
حيث تصدرت الفنانة أسما شريف منير تريند منصات التواصل الاجتماعي، وذلك بعد حلاقة شعرها
في بث مباشر عبر حسابها الرسمي بموقع تبادل الصور والفيديوهات “إنستجرام”،مما أدى إلى إثارة حالة من الجدل عبر المنصات الرقمية
وفى هذا التقرير تستعرض جريدة الإخبارية أزمات الفنانة أسما شريف منير.
أسما شريف منير تهاجم الشيخ الشعراوى
هاجمت الشيخ الشعراوي عبر حسابها الرسمي بموقع “إنستجرام”، وذلك عندما طلبت من المتابعين
ترشيح عدد من الشيوخ لها كان من ضمنهم الشيخ الشعراوي.
وقالت: “طول عمري كنت بسمعه زمان مع جدي الله يرحمه، ومكنتش فاهمة كل حاجة،
كما تابعت “لما كبرت شفت كام فيديو مصدقتش نفسي من كتر التطرف، كلام فعلاً معرفتش استوعبه،
حقيقي استغربت، وهدورلكم على الفيديوهات اللي خلتني أبطل أشوفه».
وتعرضت أسما شريف منير لانتقاد لاذع جعلها تتراجع عن تصريحاتها، قائلة:
“حصل بيني وبين شخص حوار اسأت فيه التعبير عن اللي عايزه أقوله وحساه، اتفهم كلامي على اني أنتقد فضيلة الشيخ متولي الشعراوي
أنا بتكلم من غير ما بحسب كلامي وانا مقصدتش بأي حال من الأحوال اني اغلط أو يوصل كلامي بشكل غلط كده”.
الحجاب
ظهرت في مهرجان القاهرة السينمائي مرتدية ملابس تشبه الحجاب،
حيث جعل الكثيرين يعتقد أنها ارتدت الحجاب، مما أدى لتعرضها لهجوم من قِبل رواد مواقع التواصل الاجتماعي.
ظهور جريء في حمام السباحة
ظهرت الفنانة أسما فى أحد حمامات السباحة مع شابين فى دبى وذلك للترويج لإحدى الماركات العالمية،
مما أحدث ضجة وتداول رواد مواقع التواصل الاجتماعي بعض الصور للإعلامية أسما شريف.
حلاقة الشعر
وأخير ظهرت الفنانة والإعلامية أسما شريف منير بفيديو على موقع تبادل الصور والفيديوهات “انستجرام” وهى تحلق شعرها تماماٌ
و وعلقت قائلة: شعري بقاله فترة بيقع جامد، ده غير ان من كتر العمايل اتحرق و بقي مش صحي خالص،
غير الغدد وتأثيرها عليه، قررت أنفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة و تفاؤل.
وتابعت أسما شريف منير: رميت ورايا حاجات كتيرة اوي بمجرد اني شلت شعري، قلبي كان بيدق جداً و بعديها حسيت اني مليانا ادرينالين..
خطوة جريئة و مرعبه بس حسه اني طالعة منها بدرس عارفة ان في ناس كتير هتهاجمني
بس انا فرق معايا إحساسي بالراحة اللي انا حسها دلوقتي…عادي هبطول تاني بس الإحساس ده مش هحسه غير مرة.. بكره هتشوفوا النتيجة الأخيرة.
رد الفنان شريف منير
كما أكد الفنان شريف منير دعمه لابنته أسما، بعد الانتقادات التي تعرضا لها عقب قيامها بحلق شعرها في فيديو نشرته على السوشيال ميديا،
ثم ظهورها حليقة الرأس في حفل توزيع جوائز مهرجان القاهرة للدراما مساء الخميس.
وقال شريف منير في فيديو نشره عبر حسابه بموقع التواصل الاجتماعي Instagram: ”
إيه الضجة والدوشة اللي إنتو عاملينها دي، كل ده علشان بنتي قصت شعرها قدام الكاميرا، إيه الغلط اللي عملته، تصرف عادي جدا مفهوش أي حاجة”.
وأضاف: “اوعوا تفتكروا إن أنا ممكن آجي على بنتي علشان خاطر أكسب رضاكم،
دي بنتي اللي مليش غيرها واللي بحبها، وبالمناسبة اللوك عاجبني وأنا مبسوط منها أوي”.
وتابع: “قبل الإخوة السادة الملايكة الصالحين، اللي عمالين يقلوا أدبهم ويشتموا، ويقولوا بتاخد تريند وأبوها معرِفش يربيها،
أنا بنتي متربية كويس جدا، وبتتصرف باللي هي حاسة بيه، المهم إنها مش بتؤذي حد،
وقبل ما تتكلموا بصوا على نفسكو وعلى ولادكو وإخواتكو قبل ما تنتقدوا وتغلطوا”.
