الوسم: احمد السقا

كتبت: دينا لاشين

نشرت الفنانة «مها أحمد »، منذ قليل، صورة لها تجمعها بأحمد السقا من داخل السيارة.

وعلقت على الصورة كاتبة: «يا أحمد يا سقا فين هدية عيد الام خلى بالك داخل علينا رمضان هتبقى هدية عيد الأم.. ويا ميش رمضان انت حر كل سنة وانت طيب يا قلب أختك ورمضان كريم».

وكان قد نشب الخلاف بدأ بين الثنائي بعد عرض مسلسل «نسل الأغراب» برمضان الماضي، وكتبت وقتها مها أحمد: «عوضي على الله، دى الجملة اللى دايما بقولها لما اتصدم في أشخاص.. الحكاية يا سادة نجمين عملوا مسلسل و اتنجمت عليهم بنوتة لسه ألف باء تمثيل، واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا».

وأضافت: «النجم الأولاني بينى وبينه عيش وملح وزمالة.. رشحت في مسلسل بطولته وكان بيقنعني بدور ولما وافقت بعتولي دور تاني معرفوش، دور متعملوش واحدة مبتدئة، المفروض أنه عارف قيمتى الفنية وعارف إنى إضافة له، اتهرب مني وموقفش جنبى وباعني رغم إن الكل عارف إنى زي أخته.. ندل».

واختمت حديثها وقتها كاتبة: «التانى كان في بداياته يتمنى يسلم عليا ويقولى يا أستاذة، نزلت من نفسى وقلتله مش هنشتغل مع بعض ما هى الحوجة مرة، رد وقالى الدور بينادي صاحبه طبعا».

وأوضحت أنها «ندمت نفسى وعشت أسود أيام حياتي عياط واكتئاب وقلت عوضي عليك يارب يمهل ولا يهمل، ابدأوا من جديد يا أوفر تمثيل ياللى مبتقروش يا كمبارس جنب النجمة، نصيحة بلاش تتشطروا على اللي كان بينكم وبينهم عيش وملح، بلاش تتشطروا على أساتذتكوا. عوضنا على الله. يارب متحوجنا لحد حتى ولو كان أقرب الناس لينا».

أعلن الفنان علاء مرسي عن حزنه من نفسه ومن باقي زملائه الفنانين بسبب قلة التواصل بينهم، مقارنة بعلاقتهم الوطيدة في الماضي.

وقال مرسي في لقائه مع الإعلامية إنجي أنور ببرنامج “فاكرني يا حظ” على إذاعة نغم FM على شبكة راديو النيل: كنا بنتجمع أنا وهنيدي والسقا ومحمود عبد المغني في مكتب المخرج سعيد حامد، وفجأة ما بقيناش بنتجمع زي الأول، ولا بنشوف بعض ولا نسأل عن بعض، حقيقي زعلان من نفسي ومن باقي زملائي.

وأضاف مرسي: “مفتقد السعادة من يوم رحيل علاء ولي الدين، لكن ذكراه عايشة معانا طول الوقت، وأشرف عبد الباقي بيجهز لعرض مبهر أبطاله من ذوي الهمم، وقولت له إنت هتخش الجنة بالعظمة اللي بتعملها دي، وبقول لكل الفنانين إنتوا أصحاب مسئولية، وبتمني كل الفنانين يعملوا زي أشرف عبد الباقي في مساعدة الشباب وأصحاب الهمم”.

وهاجم مرسي بعض الإعلاميين الموجودين علي الساحة لأن مخارج الألفاظ عندهم غير سليمة، فضلًا عن أسلوبهم في الحوار بشكل أقرب للغة الشارع قائلًا: “ماينفعش المذيعين يبسطوا لغتهم مع المستمع للغة الشارع، ومفيش حاجة اسمها “الجمهور عايز كده. أتمني دور الإعلام يرجع لقوته السابقة، والسوشيال ميديا نعمة حولناها لنقمة”.

وعن علاقته بالسوشيال ميديا قال: بتضايق من التعليقات اللي مش لطيفة، ومش من حق حد يعبر عن رأيه بصفاقة، وبناشد كل الناس خاصة الفنانين يدوا بلوك لأي حد بيكتب كومنت غير لائق.