الوسم: اتهام إيهاب توفيق بالنصب

بعد واقعة إتهام إحدى محلات الأحذية الفنان إيهاب توفيق بالنصب، نشر منشور جديد، حيث يوجه رسالة للفنان،

يطلب منه التصالح والاعتراف بالحق.

نشر محل الأحذية المدعي على إيهاب توفيق بالنصب، يوم الإثنين الموافق 7 من شهر أكتوبر، منشور موجه للفنان،

وجاء كالتالي:”عزيزى الأستاذ إيهاب توفيق .. رساله من القلب .. ونقسم بالله إنها من القلب .. الصور المرسله رساله

بعتها يوم السبت الصبح لصديقك عبده الجيوشى .. يا نجم كفايه غرور وكبر الموضوع عمال يكبر وهيكبر أكتر وأكتر،

احنا مفيش مشكله عندنا مفيش حد يعرفنا المشكله عندك انت .. أنا بعت لك مع عبده الجيوشى قبل ما ننزل

اى حاجه .. وقلتله خلينا نقعد ونحل الموضوع ودى …. راح عملى فديو انى نصاب ما علينا ولا يهمك حاجه”،

وأضاف:”ونزعنا ما فى قلوبهم من غل وسواد .. بنمد ايدينا بالسلام بنمد ادينا بالصلح والمطلوب منك حاجه طبيعيه

ومنطقيه ..ترجع الحق … احتمال كبير يكون حصل غلط او سوء تفاهم او حد وصلك كلام .. الله اعلم .. بنلتمس

لك العذر .. الموضوع كله اعتراف بحقنا ومشوار نص ساعه نخلص كل اللى بيحصل ده .. ولو عايز نقعد فى مكتب اى

حد من معارفك مش معارفى أنا موافق”، بينما تابع:”حكم عقلك وتعالى نتصرف بحكمه .. احنا بقالنا ٩ سنين وراك فى

المحاكم واللى بيتعمل ده بنعمله بعد ان فاض الكيل وطفح … لو سمحت كفايه كده .. تقريبا اغلب القنوات عايزه تسجل

واغلب المواقع عايزه تعمل حوارات فوق ما تتخيل”، واختتم كلامه:”إن شاء الله الموضوع هيخلص بشكل ودى

وبتصالح ودى.. فكر كويس يا نجم ورقمى معاك”.

تصدر إيهاب توفيق “تريند السوشيال ميديا” خلال الساعات الماضية، بعد تداول خلافه مع رجل أعمال مصري.

أتهم محل الأحذية “DS” الفنان إيهاب توفيق بالنصب عندما باع لهم فيلته ثم باعها لوالده بعد أربع سنوات.

نشرت صفحة المحل “DS” منشور على موقع التواصل الإجتماعي”فيسبوك” بالمستندات والأوراق التي تثبت صحة

اتهامهم، وجاء المنشور كالتالي:”استغاثه…عندنا مشكله مع النجم إيهاب توفيق ومحتاجين دعم منكم ..مطلوب إننا

نوصل المشكله لكل المواقع الاخباريه يمكن نوصل لحل معاه ..اعملوا منشن لاى حد تعرفوه واعملوا شير فى كل مكان

لو سمحتم كلها محاولات واكيد الخير عند ربنا، ملخص المشكلة اشترينا فيلا من إيهاب توفيق ومش عارفين نبيعها..عشان

فى مشاكل فى الورق واحنا محتاجين نبيع الفيلا جدًا الفتره ديه .. توفيق باع الفيلا مرتين .. مره باعها لنا

فى ٢٠١٥ ..ومره باعها لوالده فى ٢٠١٩ ..”، كما قام صاحب “البوست” بنشر المستندات المرفقه كدليل على صحة كلامه،

مع توضيح كل مستند، وطلب من إيهاب توفيق حل المشكلة بتسليم عقد شراء الفيلا باسمه، أو سحب تنازله

لوالده عن الفيلا”.

رد إيهاب توفيق

نشر الفنان إيهاب توفيق على صفحته الرسمية ردًا على هذه الواقعة، مقطع فيديو لعبده الجيوشي، وهو مالك لشركة

تسويق عقاري، يقول فيه:”منذ 10 سنوات طلب إيهاب توفيق بيع الفيلا، وفي الاتفاق طلب المشتري تخفيض 500 ألف جنيه

من سعر الفيلا”، بينما تابع” تم الاتفاق على أن إيهاب توفيق هيسيب له 500 ألف مقابل إنه هيبيع الفيلا، والمكسب

هيتم تقسيمه بالنصف بينهما، لكن بعد ذلك فؤجي الفنان إيهاب توفيق بأن المشتري لم يوفِ بوعده وهذه شهادة أمام

الله والناس بأن إيهاب توفيق لم يقم بالنصب على هؤلاء الأشخاص”.