وجهت الفنانة هيدي كرم رسالة للجمهور تحثهم فيها على احترام النجوم والابتعاد عن سبهم والتقليل منهم.
قالت الفنانة هيدي كرم في فيديو عبر حسابها بتطبيق انستجرام: “إحنا اتهرينا والله كمشاهير، بتكلم بصراحة بالنيابة عن مشاهير،
وبالأخص السيدات، اتهرينا من الشتيمة والتهزيق وقلة القيمة والإرهاب على السوشيال ميديا،
وإنكم بتحسسونا إننا مانسواش، واتهرينا من إننا نتشتم ونتهان ونتهزق”.
وتابعت: اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة
وإحنا بنحاول نعمل طاقة إيجابية، وأي حاجة حلوة أو وحشة مش نافع، متهزقين ووحشين ومشتومين،
صدقوني الناس اللي بتشتمنا لو شتمناهم نفس الشتيمة هينتحروا تاني يوم،
إحنا عندنا جهاز عصبي قوي جدا لإننا مستحلمين ومنحسين ومش بنرد، ولكن صدقوني لو اللي بيشتمونا اتشتموا
نفس الشتايم واتهانوا نفس الإهانة والله العظيم هتقطعوا شرايينكم من حجم الاضطهاد والإهانة والمهانة
ولكن إحنا مش هنعمل كده لإننا محترمين ومؤدبين وحساسين وبنقدر مشاعر الآخرين اللي هي مش عندكم خالص.
وأضافت: كده كتير شوفوا لكم لعبة تانية لإن كرامتنا مش لعبة في إيدكم وبالراحة علينا كل واحد عنده مشاكل
ومآسي وناس فقدها وأزمات في شغله وأزمات عائلية واجتماعية وعاطفية
وصحية وأرجو ورجاء محبة تخفوا على بعض شوية مفيش بيننا وبينكم طار ونجحنا مش معناه فشلكم وممكن كل الناس تنجح.
واختتمت قائلة: أرجوكم ورجاء محبة بالراحة على أخواتكم الفنانين المبدعين الطيبين الحلوين اللي بيعملوا لكم حاجات حلوة.
