كتبت: دينا لاشين
دافعت الإعلامية ياسمين عز، عن عريس قصر البارون، بعد تعرضه للانتقاد بسبب رقصه مع المطربة شيرين عبد الوهاب.
حيث قالت: «حزب أعداء الحياة وجماعة اللي مش بيعجبهم العجب سابوا كل الطاقة الإيجابية وقعدوا يتريقوا على العريس، ويقولوا شوفوا بيرقص إزاي وبيبص لشيرين إزاي».
وأضافت خلال تقديم حلقة اليوم من برنامج كلام الناس، على قناة MBC مصر: «أنتم عاوزين إيه؟! الراجل في فرحه ومبسوط إن نجمته المفضلة بتغني له، المفروض يعمل ايه؟! يكشر ولا يعيط ولا يعمل ايه بالظبط؟! العروسة مبسوطة وباين عليها الفرحة والسعادة، ليه بعض الناس عاوزين يوقعوا بينهم؟».
وتابعت: «ناس كتير قالوا إن العريس ابن شقيق شيرين وفريق ثالث ساب كل حاجة ومسك في بطن شيرين، وقال إنها حامل، وحسام حبيب طلقها عشان مكنتش عاوزة تخلف لكن في ناس حلوة وشوية وجميلة وبتخب الفرحة وكتبوا أن العروسة حلوة والعريس يجنن وتحملوا التعليقات السلبية.
