كتبت:شيماء عبد الفتاح
علقت الدكتورة سهير عبدالقادر رئيس ملتقى مؤسسة “أولادنا” لفنون ذوي القدرات الخاصة، على تكريمها في احتفالية يوم المرأة المصرية بالأمس، قائلة: “أهلا وسهلا بأي تكريم، لكن لما بتكرم من بلدي بيبقى له طعم تاني، وخاصة من الرئاسة نفسها”.
وأضافت عبدالقادر في مداخلة هاتفية ببرنامج “صباح الخير يا مصر”، والذى يعرض على القناة الأولى، تقديم الإعلاميين محمد الشاذلي، وجومانا ماهر: “أحسست بشعور غير عادي، طبطبة من عند ربنا، لأن الإنسان لما بيشتغل وبيعمل حاجة كويسة بتوصل للناس في بلده”.
وتابعت رئيس ملتقى مؤسسة “أولادنا” لفنون ذوي القدرات الخاصة: “أي حد بيشتغل لا زم يكون يحب اللي بيعمله، ربنا اداني حاجة جميلة في الآخر، إني مع ذوي القدرات الخاصة، واتكرمت من السيدة الأولى انتصار السيسي، وحسيت إن البلد حست بيّ”.
وأكدت سهير عبدالقادر ، أنها تطلق مهرجان سينما الأطفال، وكانت مهتمة بذوي الهمم: “شايفة إن قدراتهم أكبر مننا، بشوف منهم حب وحضن كبير، وفي التكريم امبارح حسيت إني في دنيا تانية، وكل واحد كان بيشارك عشان يطلع حاجة رائعة”.
