أعرب الفنان محمد عدوية عن سعادته بردود الأفعال الإيجابية على أحدث أغانيه “قبطان سفينتي”.

وقال محمد عدوية في مداخلة هاتفية مع الإعلامية يارا أحمد في برنامج “فري تايم” المذاع عبر

قناة هي: “الحمد لله الواحد بيجتهد ويعمل اللي عليه وبيعمل حاجة جديدة، وفي الآخر بيستنى

رد فعل الناس، والحمد لله في ردود فعل حلوة بس أنا مبحبش أتكلم على الكلام ده

وأخلي الناس هي اللي تحكم”.

 

 

وردا على سؤال هل يبتعد في أعماله عن مواكبة التريند، قال محمد عدوية:

“أنا بحب دايمًا أعمل عمل مختلف ومبيهمنيش هيعمل إيه وبحب أعمل حاجة تعيش”.

 

كما كشف محمد عدويه عن عن تحضيرات عمل جديد يجمعه بوالده، الفنان الكبير أحمد عدوية،

قائلا: “ده الأستاذ الكبير بتاعنا ده الأسطورة، بنعمل حاجة بس لسه بنشوف الكلام بتاعها

اللي هيليق وبنشوف اللحن لسه تحت ورشة عمل”.

 

 

بينما أضاف: “اتعلمت من والدي إبقى نفسك وخليك نفسك، أهم حاجة يبقى لك الهدف

والحلم بتاعك اللي إنت مقتنع بيه، مش مهم هيعمل إيه ومش مهم هينجح بإنهي طريقة،

مش مهم هيوصل لغاية فين إنت تصدق حلمك أهم حاجة، ده التارجيت بتاع الأستاذ طول عمره

من لما طلع وسط السبعينات والستينات وكان في العمالقة طبعًا الأستاذ عبد الحليم

والسيدة أم كلثوم، وطلع بلون مختلف وفضل وراه لغاية مابقى أحمد عدوية”.

 

 

كما تحدث محمد عدوية عن الأغنية التي جمعته بوالده والنجم محمد رمضان قائلا:

“محمد ممثل موهوب جدًا ومجتهد وربنا يوفقه، وطبعًا كانت حاجة حلوة جدًا وكانت خطوة جميلة

إن إحنا التلاتة نجتمع في عمل واحد، ومن حسن حظي أبقى مع أبويا الأسطورة

بتاع الغناء الشعبي ومعايا محمد رمضان طبعًا ربنا يحفظه”.

بينما عن أعماله المقبلة، قال: “بحضر لأغنية تانية بس نخلي دي تاخد وقتها شوية،

أنا بحب أدي كل حاجة حقها في السمع مش مستعجل على إنها تتسمع بسرعة أهم حاجة تاخد وقتها”.