حالة من الحزن تسيطر على الوسط الفني بعد وفاة الفنان شريف شاكر بعد معاناة من سرطان الدم، لوكيميا، لمدة 5 سنوات.
وكان شريف أعلن إصابته بالسرطان في فبراير 2019، كاشفا أنه أصيب في سبتمبر 2018، وكتب عبر حسابه بتطبيق Instagram:
“اليوم الأول في الشهر الرابع بدأ بخبر ماكُنتش أتمناه بس لعله خير، ربنا كرمني بالاختيار الأصعب في العلاج،
للأسف نتايج التوافق الچيني كلها سلبية ودا معناه إني مش هاعمل عملية زراعة النخاع إللّي من خلالها
كان هيبقى فيه إحتماليه أكبر بكتير إن السرطان مايرجعليش تاني لما أخِف منه، و بقى الإختيار الوحيد
إللّي قدامي دلوقتي إني أكمل ف الكيماوي شهور تانيه لحد ما نسبة السرطان تقل خالص
وبعدها أنا ونصيبي لإن إحتمالية رجوع النوع دا من السرطان كبيره جدا، أكيد ربنا عالم
كما كاتب الأحسن ليا، اللهم أعِنّي على مرضي وأتِم شفائي على خير”.
شريف شاكر
شريف شاكر
بينما تحدث شريف في بودكاست عن إصابته بالسرطان، قائلا: “موت أكثر من 10 مرات، موت بمعنى موت، مش موت اللي هو تعبت،
كما دخلت 55 يوم الكبسولة، وأنا بزرع النخاع، كل يوم في الـ55 مختلف عن اليوم التاني بمرض وأعراض جانبية وتعب،
ومع نفسي، لا زيارة، اللي عايز يشوفني بيشوفني بالكاميرا، وأنا مابشوفش أنه شايفني
عشان ماينفعش أشوف حد، 55 يوم جوا كبسولة معزول عن كل حاجة، عن الأكل و27 يوم بشرب محاليل”.
وفاة الفنان الشاب شريف شاكر
وفي 2022، كشف شريف شاكر عن تحسن حالته الصحية، وعادل لممارسة الرياضة وأصدر أغنية جديدة بعنوان “سيرتك جميلة”.
شريف شاكر
كما في يوليو 2023، أعلن عن إصابته بجلطة في ساقه اليمنى سببها هو وجود ورم خبيث، وعاد من جديد لرحلة الكيماوي.
بينما كان آخر منشوراته قبل وفاته بأسبوع لصورة له على فراش المرض، وعلق كاتبا: “طول ما شمس الدنيا طالعة ..
بنورها جايبة أمل كبير،٣٠ يوم عناية مركزة، اللهم أشفني و اشف كل مريض يتألم و أنصر يارب أهل فلسطين، هرجع أقوى بكرم الله ولطفة”.
شريف شاكر
