قالت الفنانة نبيلة عبيد، بأن الفنان يوسف فوزي قدم دور مميز معها في فيلم “الراقصة والسياسي”،
موضحة أنها كانت تتابعه أعماله العظيمة، لافتة إلى أنه شخص واثق من نفسه في الأعمال التي يشارك بها.
وقالت الفنانة نبيلة عبيد، خلال مداخلة هاتفية ببرنامج “تفاصيل”، الذي تقدمه الإعلامية نهال طايل،
“يوسف فوزي شارك عمل دور حلو أوي في الراقصة والسياسي،
وأنا سعيدة بحالة الرضا اللي هو فيها، متعرفيش ربنا هيعملها إيه لأنه واثق وعارف ربنا ممكن يكرمه
الفترة اللي جاية ، وأن ده اختبار وممكن بعد شوية ربنا يعمله مفاجأة تبصي تلاقيه في حتة تانية”.
تحدث الفنان يوسف فوزي عن الأزمات التي مر بها خلال الفترة الأخيرة،
بعد أن أصيب بـ شلل الرعاش، حيث أكد أن هذا المرض أثر على ذاكرته،
وهو الأمر الذي جعله ينسى بشكل كبير، لذلك لم يكن لديه قدرة
على تأدية الصلاة بشكل جيد، رغم التزامه بتأدية الفرائض لمدة 28 عامًا.
ونستعرض لكم أبرز تصريحات يوسف فوزي التلفزيونية:
بنسى آيات القرآن في الصلاة وبتوه في سورة الإخلاص وبكون مش فاكر الكلام.
نادية الجندي عندها جاذبية كبيرة.. والأتوبيسات كلها بتقف علشان تشوفها.
صورنا مشهد ضربي لـ أحمد زكي في النمر الأسود 9 مرات.. كان بيعيط من الضحك.
عقلي لم يستوعب موت رجاء الجداوي حتى الآن.
كما تنبأت بإصابتي بـ شلل الرعاش خلال تصويري مسلسل أوبرا عايدة.
مش قادر أصلي بسبب النسيان وبواجه المرض لوحدي.
بقالي 28 سنة بصلي وبدعي ربنا يقدرني وأصلي الفجر الفترة اللي جاية.
محمود حميدة مش بيسأل عليّ.
يوسف فوزي: النسيان حرمني من الصلاة
أحمد زكي قالي أنت هتكون زي رشدي أباظة في يوم من الأيام.
فريد شوقي خدني بالحضن أول ما شافني في فيلم وحوش الميناء.
بينما شاركت في أفلام مع عمالقة الفن.. وأسرتي رفضت دخولي الوسط الفني.
فريد شوقي قالي لازم تحب المهنة دي علشان تحبك.. ومن حُسن حظي أني شاركت مع عملاقة الشاشة.
من زمان كان نفسي أمثل بس كانت صحتى أحسن من كدة، في الأول الأسرة كان عندها الشهادة الجامعية أهم من أي حاجة.
والدتي كانت بريطانية وأتجوزت والدي في مصر وهي ممثلة عظيمة ومثلت في إنجلترا مسرحيات كتير.
كما كان نفسي أقدم شخصية السباح العالمي عبد اللطيف أبو هيف.. قال لـ صفوت الشريف
لو هيعملوا قصة حياتي.. عاوز يوسف فوزي هو اللي يعمل النص التاني من حياتي.
نادية الجندي ما زالت روحها حلوة وشخصيتها طاغية.. تستحق لقب نجمة الجماهير.
الراحل حسن حسني كان غول تمثيل.
بطلب من المصريين لما يشوفوا الممثلين القدام اللي توفاهم الله في التلفزيون،
كما يقرأوا الفاتحة على روحهم، الناس دي قضت حياتها في سبيل إسعاد الناس.
مش همثل تاني بسبب مرضي.. وكان نفسي أمثل بس ما باليد حيلة.
بينما اعتزلت التمثيل وراضي بابتلاء ربنا.. أكيد ليه حكمة في كده.
