كشفت الفنانة شيرين كواليس إفيهات مسرحية المتزوجون «صرصار حبنا».
وخلال لقائها مع الإعلامي عمرو الليثي ببرنامج «واحد من الناس» الذي يذاع على قناة الحياة:
أضافت شيرين «أنا كان عندي برد وجيت أقول صرصار حبنا وصوتي اتقطع واتقطعت معاه نص كلمة صرصار».
وتابعت: «لما خرجنا بعد المشهد سمير غانم قالي أقولها كل يوم بنفس الطريقة ولو مش مريضة أمرض».
وأردفت: «بعد كده جبت صرصارة وجوزتهم، والمأذون كان سحلية لكن اتحذفت في المونتاج لأنه كان عيب وقتها».
وأضافت في لقائها مع الإعلامي عمرو الليثي في برنامج واحد من الناس: «أنا اللي اختارت اسم شيرين
لأن أول عمل كامل كنت بعمله كان اسمه عيون الحب مع الأساتذة كمال الشناوي وسناء جميل وكنت بعمل بنتهم وكان فيه مجموعة كبيرة من الفنانين».
وتابعت: «ليه محتفظتش باسمي؟ عشان كنت مخضوضة منه وزعلانة، وزعلت من بابا لأنه سماني أشجان،
وأستاذ العربي ذنبني تلات حصص عشان يدي محاضرة في اسمي، وأن اشجان ده يعني أحزان وروحت لبابا قولت له غير لي اسمي».
وأوضحت: «ووالدي راح لمدرس العربي واتكلم معاه وقاله أنا قعدت تلات شهور أسميها وكل
ما اكتب اسم وأروح اسجله ألاقي حد طالب شهادة وفاة فأتخض جدا لأن عنده بنتين قبلي توفوا، فعمي قاله لا مجال للهروب لازم تكتب اسمها النهارده».
واختتمت كلامها قائلة: «فالست أم كلثوم غنت حاجة فيها أشجاني، فعجبه الاسم وسماني أشجان».
