أكد المنتج محمد مختار عدم صحة الشائعات التي تحدثت عن اتهام نادية الجندي بمحاولة إحداث خلافات
ووقيعة بينها وبين رانيا يوسف وبناتهم، قائلا: «أنا بقول لنادية الجندي أنا متأسف إني وضعتك في الوضع ده،
وأرجو تسامحني لأن هي ملهاش دعوة باللي حصل ده».
وأضاف محمد مختار، خلال حواره ببرنامج «حبر سري»، مع الإعلامية اسما إبراهيم، على قناة القاهرة والناس،
أن نادية الجندي كانت صديقة لبناته وشاركت إحدى بناته من رانيا يوسف مع نادية الجندي في مسلسل،
متابعا: «أنا وأم أولادي كنا بنروح عند نادية الجندي في الحفلات، وبنتي مثلت معاها في مسلسل من إنتاج نادية الجندي».
وتابع: «مفيش كلام حقيقي من اللي بيتقال من إن نادية الجندي توقع بيني وبين رانيا يوسف وبناتي،
وإنها مش سبب طلاقي من رانيا يوسف.. ولو عندها القدرة دي مكنتش خلتني أرتبط برانيا.. وأنا نادية أصحاب أساسا»
كما تحدث عن المنتج محمد السبكي وقال: خلطة السبكي ولو بعرف اعملها كنت هعملها الراجل
ده كان بيشتغل السينما بفلوسه وأنا كان عندي استعداد اشتغل مساعد عنده والسبكي تاجر شاطر.
وأضاف: أنا كنت شاطر في اختيار الأفلام وبختار نجمة واحدة وبيبقى معايا نجوم كتير، وأنا انتجاتي ضخمة
وإيراداتي ضخمة زي قضية في أمن دولة خمس بلاد في أوروبا مهما جاب ايرادات مش هيكفي اللي صرفته.
كما تحدث محمد المتخار عن نادية الجندي والصداقة التي تجمعهم بعد انفصالهم
بينما قال: نادية الجندي كنا متزوجين وبعد ما انفصلنا بقينا صحاب جدًا وياريت لما اتجوزنا كنا صحاب كده.
كما كشف عن موقف جمعه بالفنان ممدوح عبد الحليم وقال: ممدوح عبد الحليم قبل ما يتوفى بتلت دقايق
قالي عايز أخد رأيك في حاجة أنا معروض عليا ليالي الحلمية قولتله شوف الورق قالي أنا عايز أصورهولك
وأنا سلمت عليه ومشيت بعد ربع ساعة المدرب قالي أن هو مات.
