أثارت الفنانة حنان شوقي الجدل بين جمهورها ومتابعيها بتصريحاتها الجريئة .
وكشفت حنان شوقي سبب ابتعادها عن الساحة الفنية خلال الفترة الماضية،
خلال حلولها ضيفة على برنامج “كلام الناس” الذي تقدمه الإعلامية ياسمين عز على قناة “القاهرة والناس”
قلت يا رب لو أنا غلطانة عرفني وارشدني، ولو أنا صح ارشدني للحاجة اللي زيي”،جاء ذلك خلال بعدها عن الساحة الفنية .
ومن جانبه كشفت “شوقي “عن أنها بعدما رأت الرسول تغيرت حياتها بالكامل،موضحة: “في رمضان ختمت القرآن
وأنا قاعدة على السرير رأيت ليلة القدر، أنا شفت سيدنا النبي يقظة مش منام، ودي غيرتني 360 درجة،
حنان شوقي ممرت بفترة إصلاح للذات
مشيرة إلى أنها مرت بفترة إصلاح للذات على المستوى النفسي والأخلاقي، حيث قالت: “أنا رميت الدنيا ودوست عليها وبما فيها،
وقررت أشتري نفسي وقلبي وروحي، واتاخدت للحقيقة واللي أنا مخلوقة علشانه،
ولقيت نفسي غريبة في الدنيا وحاسة إن روحي مش معايا، ودعيت ربنا كتير جدا،
أتهديت واتبنيت زي ما ربنا عاوز في كل شيء، نفسيا وأخلاقيا”.
وقالت حنان خلال اللقاء إنها تشعر بمن يحبها بصدق وبمن يخدعها، وأشارت إلى أنها تقدس الزواج،
خاصة أنه يحمل صفات أسماء الله الحسنى على حد تعبيرها، منوهة بأنها إذا لم تشعر
بمعنى الحب في حياتها الواقعية فتفضل عدم الزواج أو الدخول في علاقة حب.
وأضافت: “أنا بقدس الزواج، والزواج فيه كل أسماء الله الحسنى، لأن الحالة الزوجية فيها الود من الودود،
والرحمة من الرحمن،والحنان من اسم الحنان المنان، الواحد في حالة الزواج الرجل وزوجته لا ينفصلان لأنها منه…
حنانا شوقي: لازم أبوس إيد حوزي كل يوم
أنا حسيت ده كله ولقيت إن الزواج عملية جامدة أوي وأنا بحبها وحسّاها جوايا، ولو محستهاش في الحياة بجد يبقى قلتها أحسن،
لان أنا لازم أبوس إيد جوزي وأبوسه وأقوله عايز حاجة مني؟”.
وأردفت بالقول لإثارة الجدل : “أنا كتلة حب متحركة على الأرض،
أما حياتي كلها حب وقلبي مش بينبض غير بالحب بس الحب الحقيقي،
وبعدين لما يبقى قلبك ساكن فيه المولى عز وجل وسيدنا النبي، وأي حد ييجي يقولك بحبك هتعرفي ده صادق ولا لأ”.
ولفتت حنان شوقي إلى أنه كانت تصلها إشارة إلهية تكشف لها من يحبها بصدق ومن يخدعها،
قائلةً: “أنا بحب الحب المتبادل، واللي اتقدمولي كان حبهم كاذب وربنا كان بيبين لي، والبني آدم بيبان من موقف أو كلمة أو حركة،
حنان شوقي بقدس الاهتمام وقلبي رباني
وأنا حساسة جداً وقلبي رباني بحس باللي بيقولي بحبك بجد، واللي بيقولي بحبك عشان عايز حاجة معينة، أو يقولي بحبك عشان يومين ويعدوا”.
وتابعت: “أنا عايزة أتحب حب حقيقي لا يتجزأ، علشان لما نعجز نفضل نحب بعض، وبتمنى يكون فيه ود ورحمة وحنية،
ولو مفيش كده يبقى قلته أحسن “.
