استنكرت الإعلامية عزة مصطفى، واقعة انتحار الطفلة هايدي في الشرقية، بعد تعرضها لابتزاز من قبل صديقتها التي ساهمت في نشر صورة فاضحة لها بالاتفاق مع آخرين.
وقالت مصطفى خلال برنامج «صالة التحرير» على قناة صدى البلد «هايدي بنت زي القمر، ما حدث معها ابتزاز امتى هنتقي الله، ليه كنا زمان نسمع مصطلح زي لا عندي إخوات أو عندي بنات، ليه لما حد بيبتز حد أو يفبرك صور ضميره بيكون مش موجود، ليه مش بيقول لنفسه ممكن يحصل مع أختي أو زوجتي أو والدتي».
وأضافت «النتيجة انتحار هايدي بحبة غلة عشان خايفة من الفضيحة اللي هي معملتهاش، لا يقال عن الفتاة صاحبة الواقعة صديقة أبدا»، مردفة « المتهمون رفضوا توسلات هايدي ووالدتها قبل وفاتها بـ 48 ساعة، شوفوا بنتعامل مع البشر إزاي، نحتاج دراسة أساتذة علم الاجتماع لهذه الظاهرة، مش ده مجتمعنا، كان فيه حاجة اسمها كبير الحارة وكبير العيلة، كان فيه عيب وحرام».
https://www.youtube.com/watch?v=HlJKdTnkq5g