أشاد الإعلامي أحمد موسى، . باللاعب النرويجى إيرلينج هالاند، . لاعب فريق مانشستر سيتي، . واصفا اللاعب بأنه لاعب من كوكب آخر،. قائلا: «السنة دي هالاند هياخد كل حاجة ذهب في المسابقات الدولية».
أضاف خلال برنامج «على مسئوليتي»، . المذاع على قناة صدى البلد، « هالاند لاعب تشوفه بيسجل بدماغه وبيسجل برجله اليمني ورجله اليسرى ناقص يسجل الأهداف بإيده بيعمل كل حاجة في الكرة لاعب محصلش هيتفوق على ميسي ورونالدو ومحمد صلاح وبيليه»، قائلا: « لاعب إعجاز في كرة القدم بس هو بيشتغل مع فريق في كل حاجة جايب 15 جون لحد دلوقتي ومفيش مباراة مسجلش فيها بالدوري بيسجل في دوري أبطال أوروبا بيسجل كمان فريقه هو الأغلى حاليا في العالم».
تابع: «هالاند بيطلع 2 متر في الهواء وبيسجل الأهداف لو اتكلمنا على الهدف التاريخي هو بيسجل الأغلى في التاريخ حاليا والأجمل في التاريخ لاعب لاغى الكل ده شيئ عجيب وسيظل محمد صلاح لنا أعظم لاعب أنجبته مصر في كرة القدم والأعظم عربيا أيضا.. هالاند عامل لنا مشكلة ده محمد صلاح كان الأول والأفضل في 4 مواسم مضت في الدوري الإنجليزي والجدع اللى جابوه ده هيبقى رقم واحد من هنا لحد 10 ومحدش هيلحقه في أي بطولة».
