واصل الإعلامي محمد موسى، هجومه على الفنان محمد رمضان، بعد الإساءات المتكررة التي وجهها الأخير للعديد من الفنانين الكبار أمثال فريد شوقي وفاروق فلوكس”.
وقال محمد موسى خلال تقديم برنامج “خط أحمر” على قناة الحدث اليوم، “مش عارف الأخ محمد رمضان عاوز مننا إيه .. كل شوية يطلع بتصريح أقل ما يوصف بيه إنه مستفز.. اللي نعرفه لما العدو بيحاول يستهدفنا أول حاجة يفكر فيها هي إنه يهدم رموز المجتمع في أي مجال سواء رياضة أو فن أو دين.
وتساءل محمد موسى، هل محمد رمضان اتحول لعدو داخلي؟ هل الأنا اللي عنده بتخليه يهاجم الكل ومش شايف غير نفسه، أنا مش هعرض اللي محمد رمضان قاله لإنه فيه إهانة لرموز فنية كبيرة .. الإهانة مش لازم توجيه سباب.. الحط من قدر قيمة فنية ده اسمه إهانة برضه “.
