قالت الفنانة هدى لما سمعت أغنية “صاحبة العروسة” اللحن عجبني أوي، وأخدت الكلام عشان أعمله لبنتي فى فرحها.
ولسه بتعلم السوشيال ميديا، ويا دوب اتعلمت شوية على التيك توك ولسه بحاول.
وأضافت بحب أوي الناس لما بتقول لي يا أم جميلة، وسميت بنتي الاسم ده على اسم جدتي الله يرحمها، وفي مرة كنت نايمة وأول ما فتحت عيني لقتني بقول لوالدتي أنا إن شاء الله هجيب “جميلة”، من قبل ما أعرف أصلا أنا هجيب ولد ولا بنت.
غنيت أغنية “الزمهلوية” يوم صباحيتي، وتاني يوم صورتها، ومن أغرب المواقف اللي شوفتها في فرح فقالت: كنت بغنى “الزماهلوية”، وواحد كان عايز يطلع يضربني، ومرة في فرح العيلة من كتر الفرحة قعدت تعيط وأنا روحت معيطة معاهم.
تابعت :والدي مؤذن في الجامع، وهو وماما صوتهم حلو جدا، وبابا بيحب فريد الأطرش، وفيه فكرة دويتو جاية قريب وفيه أغنية جديدة نزلت من كام يوم اسمها “حب خام”، الأغنية حلوة وكلامها جميل وإن شاء الله تعجب الناس.
واختتمت قائلا: مفيش حاجة فيا اتغيرت من بعد ما غنيت، كل اللي اتغير إني بقى عندي بنت وكانت أمنيتي يبقى عندي 5 ست عيال، و الكورونا دي حاجة جميلة أوي، والجمال فيها إنها بينت الناس أكتر مين الحلو ومين الوحش، وكل سنة وشعبي إف إم منورة ومفرحانا.
جاء ذلك خلال لقاءها مع إيمان حلمي وعمرو أبوحمدة في عيد ميلاد شعبي إف إم.
اللينك :
https://www.facebook.com/443100135877788/posts/pfbid02W2UxA2na2KaRjsBM7LPEEBGMzNTu1PMw1doYSQeiWegzJ6w31Limz7exMm4nSXDQl/?sfnsn=scwspwa
