خصصت الإعلامية مفيدة شيحة، في برنامجها الستات، المذاع عبر قناة النهار، مساء اليوم الاثنين، فقرة عن :”هل الراجل البخيل بيتعرف قبل الزواج؟ ، وازاي تعرفي الراجل البخيل؟ ، وكيف ينعكس بخل الآباء على نفسيه الأبناء؟، و ازاي تتعاملي مع الراجل البخيل ومحاوله تغييره، والبخل العاطفي وأشكاله عند الرجل”.
وقالت مفيدة شيحة، إنه :”انا بقى شايفه ليه الراجل البخيل مبيتعرفش قبل الجواز، عشان كله بيبقى حاطط الماسك الجميل والرجل الكيوت على وشة وعلى كل صفاته قدام الحد اللي بيحبه.. بيتجمل ويحاول يظهر الراجل الجان الشيك السخي.. وتلاقيه عادي جدا يجبلك هدية ويخرجك
بس احنا بردو هنفقسه ونقولك على حاجات تقدري تعرفي من خلالها الراجل ده بخيل ولا لأ”.
وأضافت مفيدة شيحة، أنه :”بس الله الرحيم كدة وفتح كلام.. انسي انه يعزمك على الاكل برا في أي مطعم سواء بقى مطعم غالي او عادي.. الفكرة اصلا مش مطروحة بالنسباله ولو حصلت تبقى مرة مرتين بالكتير اوي في السنة وتلاقي كل مرة تفتحي معاه كلام يرد يقولك: “انا متغدي في البيت ومبحبش الأكل بره البيت، ولو حصل وخرجك مرة في اي مكان تشربوا عصير ولا حاجة.. هتلاقيه بيرفض فكرة البقشيش في اي مكان”.
وتابعت أن :”هتلاقيه يقولك انا محتاج ست مش مسرفة.. لأن الراجل البخيل عامل زي الطفل اللي بيخاف على حاجاته فبيحاول دايما انه يأخد وعد بعدم الاقتراب من أمواله وانك تحافظي عليها، وتلاقيه كمان بيتكلم عن الفلوس دايما وأنه مبذر وهو العكس تماما… ويسألك عن أحوالك المادية وأحيانا أملاك أهلك ولو كان بجح بقى تلاقيه سألك هتورثي منهم ايه.
غالبا مش بيهتم بمظهره واللبس رفاهية ملهاش لازمة بالنسباله حاجة تانية حابة اتكلم عنها وهي البخل بس في المشاعر كمان.. لان البخل مش بس في الفلوس .
