علق الإعلامي أحمد موسى، على فرص تتويج الفريق الأول لكرة القدم بالنادي الأهلي ببطولة الدوري هذا العام: “لا توجد مشكلة في ضياع الدوري عندنا كتير”.
وقال موسى، خلال برنامج على “مسؤوليتي”، المذاع على قناة “صدى البلد”: ” الأهلي حظوظه صعبة عندنا فريق في المستشفى مش هيلعبوا حتى لنهاية الدوري واللعيبة بتلعب ماتش كل 7 ساعات مفيش تضبيط لجدول الدوري”.
وواصل موسى: ” جدول الدوري في أن الأهلي يلعب النهاردة ويلعب بكرة ويلعب بعده واللعيبة مش بتروح البيت وبتخلص الماتش وبعدين تروح على المعسكر حتى المدرب مش عارف يعمل تدريبات ميقدرش يعمل ده أساسا معندوش لاعيبة ربنا يكرمه ويخلص المتاشات باللعيبة الموجودة هي دي حظوظ الأهلي السنة دي”.
وتابع موسى: ” الأهلي لعب في إفريقيا ولعب كأس العالم للأندية محدش زي الأهلي اللاعب في النهاية بشر مين في الدوري المصري بيلعب زي النادي الأهلي الجدول اللي اتعمل يلعب ماتش ثم ماتش وبعد كده يجهز للطيران 6 أو 7 ساعات سفر ويروح يلعب وترجع تقول حد يساعدك مفيش حد هيساعدك”.
وأشار:”تم تأجيل كام ماتش للأهلي وبعدين لعبت المتاشات المؤجلة وتلاعب المقاولون العرب وبكرة هتقابل مين وهتخلص المؤجلات وكل ده الأهلي مش مستفيد وغيره مستفيد”.
