وقع محمد شريف، لاعب النادي الأهلي، مساء اليوم الاثنين، ضحية رامز جلال في برنامجه «رامز موفي ستار»، الذي يعرض عبر فضائية «MBC مصر» طوال شهر رمضان.
وقال «جلال» إن «شريف» أحد نجوم الشياطين الحمر، متابعًا: «في الحلقات اللي لونها أحمر بكون ضعيف ومش محايد، لو خيرت بين أكل عيشي وانتمائي لاخترت أكل عيشي لإنه اللي باقي، المشكلة الوحيدة اللي هتقابلني النهاردة، إنه لو حصل لضيفي حاجة مش هسامح نفسي، هقول إيه لسيد عبدالحفيظ، مش هقدر أحط عيني في عين بيبو، لأنه مهاجم من عملة نادرة».
وتابع: «نجم النهاردة مهاجم من طراز خاص، ينتمى لفصيلة الموهوبين، قعدنا ندور عليه سنين، لفينا كل أحراش إفريقيا ومفيش فايدة، أتاري الجوهرة بين إيدينا ولكن مش شايفاها عينينا»، لافتًا إلى أن المدرب بيتسو موسيماني «استحضر روح مهارات شريف في الملعب».
وأضاف: «مفيش مدافع عارف يلمه، مفيش جون عارف يقف قصاده، لدرجة إنه حط في جباسكي 3 واللهم لا شماتة، معانا السنتر فرود الحريف، والمهاجم المخيف، واللي المدافعين بيقولوا منه يا لطيف، محمد شريف».
وتدور فكرة البرنامج هذا العام حول استضافة مجموعة من مشاهير الفن والرياضة، بعد خداعهم بتصوير إعلان أو مشهد في فيلم، ليتعرض الضحايا للعديد من المغامرات التي تصيبهم بالهلع، فهم يستقلون سيارة تجري بهم في الصحراء، وتقف فجأة على شفا بحيرة بها تمساح، ويظهر ثعابين صغيرة في يد رامز جلال الذي يرتدي قناعًا على وجهه، بمشاركة الفنان العالمي فاندام.
