دافع مؤدي المهرجانات حمو بيكا عن صديقه المقرب حسن شاكوش بعد موجة من الانتقادات على مواقع التواصل الاجتماعي،
طالت أداء شاكوش في أحد الأفراح بعد تداول فيديو له وهو يغني أغنية “أنا غلطان” للمطرب بهاء سلطان، في ظهور ظهر فيه صوته متعبًا.
وفي رد فعل مباشر، نشر بيكا عبر صفحته الرسمية مقطع فيديو آخر لشاكوش يغني “غريبة الناس” لوائل جسار، وعلق عليه برسالة قوية قال فيها:
“من فضلكم لازم تسمعوا ولا للتنمر… الرجولة مش بس صوت، الرجولة مواقف وشغل وتعب،
شاكوش صاحبي وأخويا، راجل شاف كتير ولسه واقف على رجليه، بيغني وهو تعبان وده مش ضعف، دي قوة”.
حسن شاكوش
وأكد بيكا دعمه الكامل لشاكوش رغم الانتقادات قائلًا:
“الناس اللي قاعدة ورا الكيبورد وبتتريق، ولا واحد فيهم يقدر يوقف دقيقة مكانه… وأنا واقف معاه لآخر نفس،
وكلنا عارفين إنه راجع أقوى”.
من جانبه، خرج حسن شاكوش عن صمته عبر حساباته الرسمية، موضحًا أن الفيديو المتداول كان من فرح أخيه “نور التوت”،
وأنه كان يعاني من تعب شديد في أحباله الصوتية، لكنه أصر على الغناء احترامًا للمناسبة.
وقال شاكوش:
“أنا مبحبش أطلع أقول إني تعبان، بس كنت مش قادر أتكلم أصلًا، ومقدرتش أغني كويس، وده طبيعي، الواحد لما بيتعب مبيعرفش ينطق”.
واختتم كلامه موجهاً رسالة لمتابعيه:
“التريقة من حقكم، بس أتمنى الناس تعرف الظروف، لأن اللي بيظهر على الكاميرا مش دايمًا الحقيقة كاملة”.
