حمو بيكا بعد قرار ايقافه عن الغناء يكشف سر شخصي لأول مرة: مش مكسوف وانا بقول كدا.. دافع الفنان حمو بيكا مطرب المهرجانات عن نفسه بعد قرار نقابة المهن الموسيقية للتحقيق معه بسبب أغنية أداها مؤخرًا، متهمة اياه بالإساءة إلى مؤسسات الدولة من خلال كلمات الأغنية.
حمو بيكا بعد قرار ايقافه عن الغناء يكشف سر شخصي لأول مرة: مش مكسوف وانا بقول كدا
وقال حمو بيكا في فيديو له عبر حسابه بموقع التواصل الاجتماعي «فيس بوك»: «الأغنية قلتها عادي وعمري ما أغلط في بلدي وكنت بخدم في جيشي، ولو أعرف إن فيها ضرر أو غلط، عمري ما هنطقها، دي أغنية متداولة على يوتيوب وكل المطربين الشعبيين بيغنوها، بس لما جيت غنتها الدنيا اتقلبت عليا».
وأضاف: “لازم أوضح الرسالة دي عمري ما أقدر أغلط في بلدي، وفي أي حفلة، بأي بلد برفع علم مصر على كتافي وببقى فخور، لو أعرف.. وغلاوة بنتي تاني عمري ما كنت هغنيها مش بقول كده عشان أرجع شغلي، رجعت مرجعتش طالع بقول إن عمري ما أغلط في بلدي».
وتابع :«عملتوا حاجات كبيرة أنا مش قدها، آه مش بعرف لا أقرأ ولا أكتب بس بسمع اللي بيتقال، ليه تكبروا المواضيع معايا أنا بالذات، أنا مش حمل أي حاجة ولو أي حاجة هتبعدني عن بيتي وبنتي مش عايزها نهائي خالص، وياريت اللي بيكتب بلاش توصل الكتابة في حتة مش بتاعتنا، نخدم بلدنا برقبتنا».
نقابة المهن الموسيقية برئاسة الفنان مصطفي كامل، كانت قد أصدرت قرارا بوقف مطرب المهرجانات محمد مصطفى الشهير بحمو بيكا من الغناء واستدعائه إلى التحقيق، بعد ظهوره في مقطع فيديو خلال إحدى الحفلات، وهو يغني ببعض الكلمات، اعتبرها البعض مسيئة لمؤسسات الدولة ولا تليق.مو بيكا يكشف حقيقة سقوطه على المسرح.. «من أمتى بغني أجنبي؟»
