في لقاء تلفزيوني، فتحت رانيا يوسف قلبها للحديث عن حياتها الشخصية بأسرار ترويها لأول مرة.
رانيا يوسف تعرض نفسها للزواج بشكل صريح.. مش هتصدق قالت ايه
وقالت رانيا يوسف خلال لقائها مع الإعلامية ياسمين عز في برنامج “كلام الناس”، : الست لما تحط راجل في دماغها بتعرف تاخد حقها”.
وفي واحد من أكثر تصريحاتها جرأة، قالت رانيا إن معظم حالات الطلاق تعود لتدخل الأمهات والحموات، موضحة: 90% من الطلاق سببه الأمهات، لأن فيه فجوة بين جيل الأم وجيل البنت. أنا كنت مانعة أمي تتدخل في حياتي، وزعلت مني بس أنا كنت بحمي بيتي.
عن الحب، قالت رانيا إنها ما زالت تبحث عن مشاعر صادقة رغم صعوبة الأمر، مضيفة: لسه محتاجة حب، بس من سنتين ماقابلتش حد يلفت نظري. في ناس بتنجذب للشهرة وعايزين شكل من برا بس.
في فقرة خفيفة، سألتها ياسمين عز: “ممكن تتجوزي ممثل؟ ولا رجل أعمال؟”، فردت رانيا مازحة: هو إنتي جايبالي عريس؟ أنا بصراحة مش مرتاحالك.
وأشارت رانيا إلى أن الأمومة هي محور حياتها، مؤكدة: أنا عايشة علشان بناتي، وكنت أحب أجيب أولاد كمان. علاقتي بربنا ونيتي الحلوة دايمًا بيخلوني ماشية صح، وده اللي مخليني مش مستعجلة على أي علاقة.
