ايناس عزالدين تحذر جمهورها: انا مش للشقط.. أثارت المطربة إيناس عزالدين الجدل بعد منشورها الأخير على مواقع التواصل الاجتماعي عن تعرضها لموقف محرج، من قبل أحد الأشخاص، والذي حاول التعرف بها بشكل غير لائق، ما جعلها تتصدر ترند محرك البحث العالمي جوجل.
وشاركت إيناس عزالدين منشورًا لها على فيس بوك، لتكشف خلاله عن تعرضها لموقف مع أحد المعجبين قائلة: “ممكن بعض الفانز للفنانين يستوعبوا إن الواحد مننا مجرد فنان ودي وظيفته ومهنته علشان واضح إن فيه بعض الناس الموضوع مختلط عندهم”.
وأضافت: “الفنان بيقوم بدوره ومهنته في إسعاد الناس اللي سعادتهم أساسًا بتسعده ودي أجمل لحظات حياته وبياخد بعضه ويمشي بيحيي جمهوره ومحبيه ويتصور معاهم وساعات بيبقى بينهم علاقة طيبة ويروحوا كل حفلاته ويقدروه وهو تحت أمرهم بالمعقول وفي حدود اللياقة والأدب.. لكن الفنان وتحديدًا الفنانة مش للشقط”.
واختتمت: “منهم لله الدخلاء على المجال اللي خلوا الناس تفتكر إننا بندخل الفن علشان نتشاف ونتشقط ونعمل قرشين، الفنانين الحقيقيين الموهوبين مش كده ودول كتيررر قوي وبيصرفوا كمان من جيبهم على شغلهم حضرتك يا أفندم اللي بتختار عايز تبقى من جمهور مين الفنانة الموهوبة ولا المشقوطة الموهومة”.
