محمد رمضان كشف عن كواليس تسجيل الحلقات، قائلا: «احنا بنسجل الحلقة قبل الإفطار بـ 20 دقيقة، وبتمنى الناس تكون فاتحة تلفونها”.
محمد رمضان: انزل الشارع قبل الإفطار بـ 20 دقيقة واكسب 100 الف جنيه النهاردة
وأضاف رمضان :” كلنا هنا صايمين وعايزين نخلص عشان عندنا ناس صايمه مصورين وإعداد وبتكون الحلقة مسجلة قبلها بتلت ساعة فقط، معقبا:” انزل الشارع قبل الإفطار بـ 20 دقيقة واكسب 100 الف جنيه النهاردة”.
وفي لفتة إنسانية مؤثرة من النجم محمد رمضان مقدم برنامج مدفع رمضان الذى يعرض على قناة dmc خلال شهر رمضان الجارى، قرر إهداء جائزة مالية قدرها 100 ألف جنيه لطفل من ذوي الهمم، بعدما تمكن من الفوز في المسابقة التي تضمنت شرط تكرار الرقم “1” ثلاث مرات في تذكرة السفر الخاصة به.
و قالت إلهام عبد الحميد والدة الطفل: “اليوم ده كان أحلى يوم في حياتى وأحلى صدفة وأنا كنت مسافرة إسكندرية عشان زياد ابنى عنده بطولة سباحة مع الفريق وكنت رافضة جدًا إنى أسافر بالقطار، وكمان القطار اتأخر علينا وكنت متضايقة جدًا.. بس سبحان الله ربنا له حكمة في كل ده عشان يفرحنى”.
وأضافت: “مرة واحدة لقيت زحمة وواحدة ست بتزغرط قولت يمكن عادى في فرح أو حاجة، بس لقيت فيه ناس كتير وكاميرات قولت يمكن فيه مسلسل بيتصور، وبردو مركزتش كل اللى عملته إنى أخدت ابنى في حضنى ومسكت الشنط ووقفت على جنب، لغاية ما لقيت النجم محمد رمضان داخل علينا، وزياد ابنى فرح جدًا لأنه بيحبه أوى، وهو سألنا الجميل ده رايح فين؟، قولناله عندنا بطولة سباحة وزياد قاله إنه بيحبه وبيحب أغنية نمبر وان ومحمد رمضان قاله أنت اللى نمبر وان، ولما سأله على رقم 111 في التذاكر كانت تذكرتى فيها كده بس كانت في الشنطة والحمد لله إن كان معايا نسخة على الموبايل وأطلعته عليها”.
وتابعت: “لما قالولى إنى كسبت مكنتش مصدقة نفسى وقولتلهم هو ده برنامج مقالب قالولى لأ وفعلا أعطونى الفلوس وكلموا زوجى يجيلى المحطة وفضلوا معايا ومسابونيش ولا أنا ولا ابنى، واليوم ده الفرحة بقيت فرحتين كسبنا الفلوس وابنى أخد البطولة”
وأنهت قائلة: “أنا كنت في كرب شديد أوى الفترة اللى فاتت والحمد لله الفلوس دى فكت أزمة كبيرة عندى أنا فرحانة أوى وقعدت أعيط من الفرحة”.
