أكد مختار مختار نجم الأهلي السابق، أنه لم يحدث أي تمرد من نجوم الأهلي في جيل الخطيب نهائيا.

وأضاف في تصريحات عبر برنامج “حضرة المواطن” مع الاعلامي سيد علي:” كنا بناخد 120 جنية في الشهر وكنا عايشين كويس وفيه مكافأت ولم نتمرد”.

وتابع “كان من الصعب نطلب أي حاجة من النادي وكل واحد له نصيبه وكل زمن له الأمور المادية الخاصة بيه، ومفيش لاعب في مصر يستحق 45 مليون جنية في العام الواحد”.

وأكمل” منتخب مصر هيلاعب السنغال ومرعوبين والمفروض اللي بياخد 45 مليون يصعدنا أمام السنغال لكن مفيش وعلى أيامنا كان الكل متساوي وحسن حمدي والخطيب كانوا بياخدوا 120 زي أي لاعب”.

وتابع “أقصى مبلغ حصلت عليه من الأهلي 10000 جنية فقط وكنت بقسط سعر الشقة”.