البرلمان يعلق على رفع علم الشذوذ في أكاديمية شهيرة بالإسكندرية.. علق النائب محمود عصام، عضو مجلس النواب على ما تم تداوله من جانب رواد مواقع التواصل الاجتماعي من مقطع فيديو يظهر اعتداء طلاب جامعيين على مجموعة من الشباب بعد رفعهم علم المثليين في إحدى الأكاديميات التعليمية بمحافظة الإسكندرية بقوله:” آخر حاجة كنت أتخيلها أن طلاب فى أكاديمية علمية مرموقة فى الإسكندرية يرفعوا علم “الشواذ” ويعملوا مظاهرة عشان حقوق الفئة دي داخل الأكاديمية”.
البرلمان : اعتداء طلاب جامعيين على مجموعة من الشباب بعد رفعهم علم المثليين
وأضاف :”والحقيقة كان واضح جدا أن إدارة الأكاديمية كانت حريصة على أن الموضوع يتم التعامل معاه بشكل لائق، لكن للأسف كان فيه استفزاز واضح من المجموعة دى.. وده أدى إلى اشتباك باقى طلاب الأكاديمية معاهم، وخرج المشهد بالطريقة اللى شفناها فى الفيديوهات”.
وتابع:”الشيء اللى يحزن فعلا هو التقليد الأعمى لأي حاجة بتحصل فى الغرب دون إدراك لطبيعة المجتمع وقيمه وتقاليده وتعاليمه الدينية سواء الإسلام أو المسيحية اللى بتحرم النوع ده من الممارسات المصادمة للفطرة السوية للإنسان متابع:”اللى أنا أفهمه أن الطالب لو عايز يناضل يشوف مجتمعه محتاج ايه ويطالب بيه، والحقيقة مجتمعنا بيعانى من مشاكل كتير جدا على كل المستويات، ومش محتاجين ابداً إننا نستورد هموم من الغرب مش هتفيدنا فى حاجة ونتظاهر عشانها.
واختتم قوله:”أتمنى أن يتم احتواء المجموعة دى من الطلاب وتوعيتهم وتوعية ولادنا كلهم بشكل صحيح عن الكوارث الأخلاقية اللى بتحصلنا كل يوم بسبب التقليد الأعمى للغرب وبعدنا عن قيمنا وديننا”.
