نشر الفنان رامي صبري عبر صفحته على مواقع التواصل الإجتماعي، ردًا على ما كتبه الشاعر تامر حسين عن خلاف
رامي صبري وويجز، حيث كتب رامي:”حبيبي تامر حسين الشاعر الكبير العظيم شكرا على كلامك الجميل اللي زيك،
ويجز أخويا الصغير وأنا مسامحه وحصل خير”، بينما رد عليه ويجز عبر خاصية “ستوري”، على موقع
التواصل الاجتماعي”إنستجرام”، وكتب:”سامحتني قبل ما اعتذر.. أخلاق ملاك بجد أحرجتني بأدبك، حصل خير يا رامي،
وبعدين أخوك الصغير إيه إنت عجزت، إنت لسه صغير أوي بالتوفيق يا مجتهد”.
رامي صبري
وكان قد نشر الفنان تامر حسين عبر صفحته الرسمية على “فيسبوك”:”رامي صبري شهادتي فيك مجروحة، أنت صوت
عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنة عندك هيت ناجح ومكسر الدنيا
ولسه شايف ترتيب أنغامي أنت رقم ٢ في الاستماع بعد الهضبة ألبوم مكانك”، وتابع:” تصريح مش موفق من ويجز
رغم أني شفت له أكتر من لقاء كان راجل مُثقف ومُهذب جايز يكون واخد على خاطره أو فهم كلامك غلط ،
إنما الأرقام اللي قالها مش أرقامك ولا الطريقة مُناسبة وإنت الكبير يا روما، ويجز لو يعرف إنت أول واحد بعتلي
أغنية البخت وبتقولي الراجل ده عنده حاجة مختلفة مكنش هيزعل كدة، دي شهادة حق والله”
وكان قد نشر ويجز “بوست”، ردًا على تامر حسين، حيث كتب:”حصل خير يا جماعة، رامي صبري ده زي ابني بالظبط
وهو شطور وقمور ومجتهد، أنا بس في اللقاء كنت حاسه كده بيجامل من ورا قلبه عشان الجمهور ميغلطهوش وفرق أجيال
بقى مش بفهم حاجة منه خالص فتلاقيني مخدتش بالي”، ولكنه قام بحذف “البوست” بعد ذلك.
