استضاف الإعلامي إبراهيم فايق الفنان مصطفى خاطر في حلقة من حلقات برودكاست “فايق ورايق”.

علق مصطفى خاطر على فوز الزمالك بكأس السوبر، حيث صرح:”فرحت لما الزمالك خد السوبر الإفريقي علشان

بقالهم كتير مخدوش بطولة، دول ملايين في مصر ومن حقهم يفرحوا.. وعلشان إحنا جمهور الأهلي كمان نحس

بالمنافسة ومنبقاش طايحين وبنكسب كل حاجة، جمهور الأهلي طماع وعايز كل حاجة، بس لازم نخسر حاجة”.

كما تحدث خاطر عن موقف كوميدي مع الفنان أحمد السقا، حيث قال:”احنا كنا معزومين على العشا عند علاء الشربيني،

وعازم الدنيا كلها، وأحمد السقا جه وعلاء في المزرعة عنده خيل، والسقا ركب خيل ودخل بيه جوه البيت، وبعد كدة

واقفين محمد أنور جه متأخر فالسقا بيقوله انت مابتمشيش بسلاح وقاله لازم يبقى مرخص، قاله مرخص إيه أنا مش

معايا سلاح، قاله لأ المنطقة هنا صعبة وبنمشي في صحراء، لقيت أنور عمال يقول هو هيعمل لنا أكشن في كل حاجة

ويمشينا بسلاح، جريت على السقا قلت له الحق محمد أنور بيقول عليك إنك أي كلام وكل ده على الفاضي، لقيت السقا

جاب محمد أنور وكان عايز يحط تفاحة على دماغه ويضربها، وأنور كان بيموت وكان خايف بجد، والسقا كان هيضربه

بالمسدس لقيته راح مرفع محمد أنور، وأنور أصلا كان مرعوب منه لوحده مش محتاج يرفعه بحاجة، السقا بص له بس

انهار في ساعتها، والفيديو اللي نزله أحمد الفيشاوي”.