تصدر اسم الفنان المصري محمد الشرنوبي في البحث بمواقع التواصل الإجتماعي، حيث ظهر “تريند”
على “السوشيال ميديا”، وذلك بعد نشره مقطع فيديو على حسابه الشخصي بموقع التواصل
الإجتماعي “إنستجرام”، وعلى موقع “إكس”.
نشر الشرنوبي “فيديو” يتحدث به عن أزمته مع المنتجة سارة الطباخ، وأنه يمر بنفس أزمة المطربة المصرية
شيرين عبدالوهاب، كما أن أغانيه تحذف من على “يوتيوب”.
رسالة محمد الشرنوبي لشيرين
وجه محمد الشرنوبي رسالة لشيرين، حيث بدأ حديثه:”أولًا بخصوص موضوع شيرين أنا مش فارق لي أي
حاجة من اللي بيحصل غير إني سمعت صوتك، وإن إحنا جمهورك مستمتعين بصوتك وأغانيكي الجديدة،
ويارب المشكلة اللي بينك وبين روتانا تخلص في أسرع وقت عشان نعرف نسمع صوتك بشكل طبيعي،
والأغاني تنزل وتاخدي حقها المفروض تاخده”.
تابع الشرنوبي:”أنا أكتر حد في الفترة دي حاسس بشيرين هو أنا، لأن بقالي 5 سنين
في قضايا ومشاكل مع سارة الطباخ في الشركة اللي كنت ماضي معها، ومن سنتين
وكام شهر بالظبط طلع حكم من القضاء بانتهاء عقدي، وطلعت الشركة تقول لأ، وأنا طلعت أقول عقدي انتهاء،
لحد ما طلع 3 أحكام تؤكد أن العقد انتهى خلاص ومعنديش أي التزامات مع أي شركة إنتاج”، بينما أكمل
حديثه:”أكتر حاجة بتثبت أني بشتغل في التمثيل بشكل طبيعي أني ماضي مع شركة من أهم شركات الإنتاج
الوطن العربي وهي شركة مزيكا للمنتج محسن جابر، ودي شركة كبيرة وعندها شؤون قانونية وبتراجع ورق
اللي بيشتغل معاهم، خصوصًا لو حد عنده مشكلة قانونية معروفة للرأي العام، الناس دي اتأكدت أن كل حاجة
انتهت وإني معنديش أي التزامات، لأي شركة تانية ومضينا مع بعض وابتدينا نشتغل ونزلنا كذا أغنية”، كما قال
عن حذف أغانيه من “اليوتيوب”:”المشكلة اللي بتواجهنا دلوقتي إن الأغاني بتفضل موجودة على كل المنصات
لأن موقفها سليم، ولكن في ثغرة في قانون يوتيوب مش عارفين نتعامل معاها، لأن الثغرة دي معمولة عشان
تحمي حقوق الناس ولو حد ليه حق عند حد بياخد من خلال هذه الثغرة”، بينما اختتم حديثه:”الثغرة إني لما
بنزل فيديو على يوتيوب، بيتحجب واليوتيوب بيدي مهلة للي عمل طلب 10 أيام عشان يرفع قضية، الأغنية
بتتشال لغاية ما القضية تتحل في المحاكم، والقضية بتاخد وقت طويل ممكن 8 أو 10 شهور”.
