وجه الإعلامي أحمد شوبير رسالة للمدير الفني للمنتخب المصري حسام حسن قبل مواجهة بوركينا فاسو في تصفيات كأس العالم 2026.
وأوضح أحمد شوبير: «حسام جسن طبيعته بيحب يحس كل الناس بتشجعه وكل الناس عايزاه يكسب، هى تجربة جديدة،
تجربة صعبة، وحسام كمان عايز الناس ما تستسهلش المباراة مع بوركينا فاسو، لأ يا كابتن حسام، مش مستسهلين،
لكن إحنا يا كابتن حسام أفضل كمنتخب وكأفراد وكدوري محلي وكلاعيبة لما تتكلم على لاعبين زي: الشناوي وشوبير
ومحمد عبدالمنعم وأكرم توفيق وهاني وفتوح إحنا أفضل، هتقول لي هما محترفين لكن إحنا لاعبين جيدين،
آه عندهم لاعيب بيلعب مع باير ليفركوزن، بطل الدوري الألماني، لكن أهم لاعب في فرقة بوركينا تراوري غائب».
وأضاف شوبير: «أنا مش بقلل من فريق بوركينا فاسو، لكن مش عايزين نصور للناس إن المباراة صعبة جدًا،
وأنت يا كابتن حسام ماتوصلش للاعبية كده، الله يكرمك، آه هما فرقة حلوة، لكن إحنا أفضل وإحنا أقوي وإحنا نكسبهم».
وقال شوبير خلال برنامجه الإذاعي: “مش تقليل من بوركينا فاسو، ولكننا أقوى وأفضل منهم،
وهذا ما يجب أن يصل للاعبين، ويجب مساندة حسام حسن في كل قراراته”.
ويذكر أن منتخب مصر يستعد لمباراتي بوركينا فاسو وغينيا بيساو يومي 6 و10 يونيو على الترتيب في التصفيات المؤهلة لكأس العالم 2026.
