تحدث الفنان أحمد صلاح حسني عن فيلمه الجديد “أوسكار – عودة الماموث” ووصفه بالتجربة الجريئة
موضحا أن 90% من مشاهد العمل تم استخدام الجرافيكس فيها.
وقال الفنان أحمد صلاح حسني في لقاء له: “متحمس جدا للفيلم وهو تجربة جديدة لينا كلنا،
فكرة إننا نفكر في تقديم فيلم معتمد على الجرافيكس الثقافة عندنا هنا بنقول إننا مش قد ده أوي
ومش بنعرف نعمل كده زي الأمريكان والتقنية عندنا مش عالية لكن لما نشوف في آخر 6 سنين شركات بتعمل جرافيكس متطور جدا
وبقى تقريباً أحلى من حاجات بنشوفها في هوليوود ودا اللي حمسني أخوض تجربة زي دي هي جريئة لكن محسوبة”.
و يعد فيلم أوسكار عودة الماموث من فكرة كريم هشام، قصة أحمد حليم، سيناريو وحوار مصطفى عسكر وحامد الشراب،
ومن إخراج هشام الرشيدي وبطولة أحمد صلاح حسني، هنادي مهنا، محمد ثروت، والطفلة ليا سويدان وأحمد البايض.
